შესაწირავეფს რელიგიურ საქმიანობაშო დო დაზარალებურ და დო ჯიმალეფიშ მახვარებელო გიმიბრინუანთ. თენა ხეს უნწყუნს ჩქინ ძირითად საქმიანობას, ნამდა მივეხვარათ ხალხის გინირთან ქრისტეშ მოწაფეეფო (მათ. 28:19, 20).

 ჩქი შესაწირავეფს მიდგაინიშ გასამდიდრებელო ვებრინუანთ. ჩქი ფარას ვეგნუგანთ უხუცესეფს დო შხვა პასუხიშმგებლობა უღნან თი ჯიმალეფს დო ვართ კარდოკარ გილულაშ გურშენ ერზიებნა ფარა იეჰოვაშ მოწმეეფს. ჩქინ ფილიალეფს დო მსოფლიო მთავარ სამმართველოს მსახურენან თი იეჰოვაშ მოწმეეფ, თინეფ შქას ხემძღვანელ საბჭო, რელიგიურ გაერთიანებაშ წევრეფ რენა დო ხელფას ვერზიებნა.

•   გიშაშქუმალა: ირ წანას ჩქი ფთარგმნუნთ, ბეფშტანთ დო ვოჯღონანთ შხვადოშხვა ქიანაშა მილიონობით ბიბლიას დო თიშა გერსხილ პუბლიკაციეფს, ნამუთ უფასოთ ივრცელებ. თეწკუმა ართო, თე პუბლიკაციეფ უფასოთ დო ირნერ რეკლამაშ უმშო ელექტრონულო გიდვალუ ჩქინ ვებგვერდის jw.org დო აპლიკაციას JW ბიბლიოთეკა.

•   მშენებლობა დო დარბაზეფიშ მიკოლუაფა: ჩქი მთელ მსოფლიოს ვაშენენთ დო მიკულუანთ თაყვანიშმცემლობაშო განკუთვნილ უბრალო შენობეფს, ნამდა მიღდან შესაძლებლობა ართო ეკოშაყარელო განვადიდათ ღორონთ. თეს გეძინელ, ჩქი ვაშენენთ ფილიალეფს დო მთარგმნელობით ოფისეფს. თე საქმეშ უმენტაშის მოხალისეეფ ორთნა, მუდგაშ საშვალებათ ფარა იზოგებ.

•   ადმინისტრაციულ საქმიანობა: მსოფლიო მთავარ სამმართველოშ, ფილიალეფიშ, მთარგმნელობით ოფისეფიშ დო თეს გეძინელ, გილმალ მსახურეფიშ საქმიანობა მსოფლიო სამქადაგებლო საქმეშო კეთებულ შესაწირავეფიშ საშვალებათ ისრულებ.

•   სამქადაგებლო საქმიანობა: იეჰოვაშ მოწმეეფს ვართ სახიოლო ამბეშ ქადაგებაშე დო ვართ შხვეფშა ღორონთიშ სიტყვაშ დოგურაფაშენ ფარა ვერზიებნა (2 კორინთელები 2:17). მარა პირველ საუკუნეს მახორუ ქრისტიანეფცალო, სპეციალურო მომზადებულ ნამთინე ქრისტიანს, მით მუნეფიშ დროშ უმეტნაშის სამქადაგებლო საქმეს უძღვინენა, მორკძალებურ ოცხოვრებელს არზენა დო აუცილებერ მოთხოვნილებეფშე ზრუნენა (ფილიპელები 4:16, 17; 1 ტიმოთე 5:17, 18).

•   გურაფაშ საქმე: ჩქინ კონგრესეფ ნებაყოფლობით შესაწირავეფიშ საშვალებათ იტარებ. თეწკუმა ართო, ვამზადენთ ბიბლიაშა გერსხილ აუდიო დო ვიდეო პროგრამეფს. თეს გეძინელ, უხუცესეფშო დო სრულ დროთ მსახურეფშო იტარებ სკოლეფ, ნამდა უჯგუშო შეასრულან მუნეფიშ პასუხიშმგებლობეფ.

•   სტიქიურ უბედრობეფით დაზარალებურეფიშ მოხვარა: ჩქი ოჭკუმალით, წყარით დო ოცხოვრებელით ბზრუნენთ თინეფშე, მიდგაქ სტიქიურ ვარდა ადამიანიშ მიზეზით მოხვალამირ უბედრობეფიშ შედეგო დეზარალ. თეშნერო, ხვალე თინეფს ვა ვურთუთ ჯგირს, მით „რწმენათ ჩქინიან რე“, თინეფს ხოლო, მით იეჰოვაშ მოწმე ვა რე (გალატელები 6:10).