მადიანა დო მარსელა კომფორტულო ცხოვრენდეს მადელანს (კოლმუბია). მადიანას მაღალ ხელფას უღუდ დო თინეფ ჯგირ ჸუდეს ცხოვრენდეს. მარა მუდგარენ სიტუაციაქ გინაჭყვიდირაფუ, დადგინესკო მუ რდუ თინეფშო არძაშ უმოს მნიშვნელოვან. თინეფ იშინანა: «2006 წანას დევესწრით ართდღიან სპეციალურ კონგრესის, ნამდგაშ სათაურ რდუ „სუფთაშო დეცვით თოლ“. მომხსენებელეფ ყურადღებას ამახვილენდეს, მუსხით მნიშვნელოვან რდუ გემაბრტივითკო ცხოვრება, ნამდა სრულაშო ვემსახურითკო იეჰოვას. კონგრესიშ თებაშ უკულ ქიმეფხვადით, ნამდა ჩქი გამარტივებულ ცხოვრება ვა მიღდეს. ირიათო ახალ მუდგარენეფს პჸიდულენდით დო მუჟამსით მუდგარენიშ ოჸიდეთ დასაბაღ ფარა ვა მიღდეს, ვალს ხოლო გიბდვანდით».

 სულიერო გიშმაკურცხინაფალ კონგრესიშ პროგრამაქ მადიანა დო მარსელას ცხოვრებაშ გამარტივება გინაჭყვიდირაფუ. თინეფ იჩიებნა: „ჩქი მივოტეთ ფარაშ უგამაგეთ ხარჯება. უმოს ჭიჭე ბინაშა გეგნოფრთით, გეგმოფჩით მანქანა დო მოტოციკლეტ ქიპჸიდით“. თეშ უკულ თინეფ ისხით ხშირას ვეგლეშეს სავაჭრო ცენტრეფშა, ნამდა ვასაჭირდესინ თიცალ ნივთეფიშ ჸიდირიშ სურვილქ ვა გურჩქინდესკო. თინეფ უმოს მეტ დროს ქადაგებას დო თიცალ კათაწკუმა მეგობრობას გიმურთუნდეს, მით მთელ გურით ომსახურუდ იეჰოვას სრულ დროთ სპეციალურ პიონერო. a

 მადიანაქ დო მარსელაქ გეგნოჭყვიდეს, გაფართოვესკო მსახურება დო გეგნორთეს ჭიჭე სოფელშა თი კრებაშა, სოდეთ მაქადაგებელეფიშ საჭიროება რდუ. თეშ გურშენ მადიანას სამუშაშე აჸუ ოულარქ. თიშ უნჩაშ მანგარ გაკვირვებულ რდუ, მუშენ იტენდჷ თეცალ ჯგირ სამუშას. მადიანაქ თის კითხჷ: „თქვა მაღალ ხელფას გიღნა, მარა ქორეთო ბედნერ?“. უნჩაშიქ უწუ, ნამდა ვარდჷ ბედნერ, მუშენდა ქიანაშ პრობლემა უღუდ. თეშ უკულ მადიანაქ უწუ: „თაშ ნამდა ქიპჸით დო ვარ ბედნერ თიშა ვა რე დამოკიდებულ, ხელფას მუსხი მიღნა. მთავარ რე მიჩქუდან, მუს მოუღ ჩქინდა ბედნერობა. ხალხწკუმა ღორონთიშ გურშენ ჩიებას ჩქიმდა დო ჩქიმ ოსურშა ბედნერობა მოუღ, ათეშენ მოკონა თე საქმეს უმოს მეტ დრო დუთმათ“.

 მადიანას დო მარსელას სულიერ მიზნეფიშ მეჭირნაფაქ ბედნერობა დო კმაყოფილება ქუმუღ. ულირ 13 წანაშ დინახალე თინეფქ კოლუმბიაშ ჩრდილო-დასავლეთ ნაწილს თიცალ ტერიტორიას იმსახურეს, სოდეთ მაქადაგებელეფიშ საჭიროება რდუ. ასე თინეფ სპეციალურ პიონერეფო მსახურენა.