2011 წანას ერიტრეაშე ართ ქომოლკოჩიქ, მუჭოთ ტოლვილქ თეშ ნორვეგიაშა გეგნორთჷ. მუჟამსით თის იეჰოვაშ მოწმეეფქ ქეშეხვადეს, თიქ უწუ, ნამდა მუშ ქიანას თეიშახ ხოლო შეხვალამ იეჰოვაშ მოწმეეფს. თიქ თქუ, ნამდა მუჟამსით სამხედრო სამსახურს რდუ, ქოძირ იეჰოვაშ მოწმეეფ, მით რწმენაშ გურშენ ციხეს ხედეს, მუშენდა ვარიას იჩიებდეს ჯარშა ულაშე; თინეფ თიმწკუმა ხოლო ვა თირანდეს მუნეფიშ გადაწყვეტილებას, მუჟამსით სასტიკო ოქცუდეს.

 მითინ ველუდუნ თეშ, სიტუაციაქ თეშ დითირ, ნამდა თე ქომოლკოჩიქ ციხეს ქუმოხვად. ციხეს თიქ სუმ იეჰოვაშ მოწმე გეჩინებაფუ — პაულუს ეიასუ, ნეგედე ტეკლემარიამ დო ისააკ მოგოს. თინეფ რწმენაშ გურშენ 1994 წანაშე მოჸუნაფილ ციხეს ხედეს.

 თე ქომოლკოჩიქ მუშ თოლით ქოძირ, ნამდა იეჰოვაშ მოწმეეფ თი ბიბლიურ პრინციპეფით ცხოვრენა, მუდგას შხვეფს ოგურუანა. თეს გეძინელ, პატიოსნეფ რდეს დო მუნეფიშ ოჭკუმალს შხვა პატიმარეფს ურთუნდეს. თეწკუმა ართო, შეამჩნუ, ნამდა იეჰოვაშ მოწმეეფ ციხეს ართო გენიხილენდეს ბიბლიას დო შხვეფს ხოლო თავაზენდეს, დესწრესკო თინეფიშ შეხვალამეფს. მუჟამსით მოწმეეფს შეთავაზეს, რწმენაშე ვარიას ქოთქუანდეს-და, ციხეშე გუტენდეს, თინეფქ ვარია ქოთქვის თეშე.

 თე შემთხვევაქ მანგარო იმოქმედ თე ქომოლკოჩწკუმა. ნორვეგიაშა გინულაშ უკულ, თიქ მანგარო დეინტერეს, მუშენ უღდეს იეჰოვაშ მოწმეეფს თეცალ მტკიცე რწმენა. ათეშენ, მუჟამსით მოწმეეფქ ქეშეხვადეს, თიქ ხეთეშე ქიდიჭყჷ ბიბლიაშ გურაფა დო კრებაშ შეხვალამეფშა დასწრება.

 2018 წანაშ სექტემბერს თიქ დინათ დო იეჰოვაშ მოწმეთ გინირთჷ. ასე თინა ირნერ შესაძლებლობას გიმირინუანს, ნამდა უქადაგას ერიტრეაშე დო სუდანშე ნორვეგიაშა ინულირ ხალხის დო ელუჩანს, ქიდიგურუან ბიბლია, ნამდა ძლიერ რწმენა გევითარან.