ბრელქ მიოტუ ეკლესიაშა გილულა, მუშენდა მითინს ვემიაჩინ თინეფიშ კითხვეფშა პასუხიქ დო ვართ გურიშ მოქექაფა იგინეს. მუშენ ოკო გილაფრთათ ქრისტიანულ კრებეფშა, ნამუსით იეჰოვაშ მოწმეეფი ატარენა? მუნერ სიტუაცია რე თექ?

თქვა მანგარ ხიოლ გაღვენუნა მოჸოროფე დო ყურადღებათ ეფშა ხალხწკუმა ქიჸუაფუთინ. პირველ საუკუნეშ ქრისტიანეფ ატარენდეს კრებეფს, სოდეთ თაყვანს ცენდეს ღორონთის, გურაფლენდეს წმინდა წერილეფს დო ამანგარენდეს ართიანს (ებრაელები 10:24, 25). მოჸოროფე სულიერ და დო ჯიმალეფწკუმა, ნამდვილ მეგობრეფწკუმა ართო თინეფ მანგარ ჯგირო გინაფლენა დუდს (2 თესალონიკელები 1:3; 3 იოანე 14). ჩქი მეპჸუნთ პირველ საუკუნეშ ქრისტიანეფიშ მაგალითის დო თინეფცალო ჩქი ხოლო მიღნა ხიოლი.

ქიდიგურუანთ ბიბლიურ პრინციპეფიშ გიმორინაფას-და, თენა ჯგირობუას მოიღანა. მუჭოთ ბიბლიურ დროსინ, თეშ ამდღა ხოლო ქომოლკათა, ოსურკათა დო ბაღანეფ ართო იშაყარუნა. ჯგირ რჩქინა უღუნან ფერ მასწავლებელეფი ბიბლიაშე ემინწყუნა, მუჭო გიმიბრინუათ ბიბლიაშ პრინციპეფი ირდღაშიან ცხოვრებას (კანონი 31:12; ნეემია 8:8). ირ კოჩის შეულებ მონაწილება მიღას განხილვაშ დროს, იბირას სამეფოშ ობირეშეფი დო თეგვარო მუშ იმენდი გეგმოხანტას (ებრაელები 10:23).

რწმენა გეგემანგარებნა კრებეფს ქიდესწრებუთ-და. მოციქულ პავლექ ართ-ართი კრებას მეჭარუ: „მანგარო მოკო თქვან ძირაფა . . . მუშენდა გუვამანგარათ ართიან ჩქინ-ჩქინ რწმენათ“ (რომაელები 1:11, 12). კრებეფს რეგულარულო შეთმოფხვადუთ ჩქინ და დო ჯიმალეფს დო ართიანს ვამანგარენთ. კრებეფი სტიმულს მარზენა, გუვაგრძელათ ქრისტიანულ შარათ გილულა.

სი ხოლო შეილებ დესწრე ჩქინ კრებეფს დო სქან თოლო ქოძირე თექ მუნერ ჯგირ სიტუაცია რენ. თექ შურ დო გურით მეიღენა. კრებეფს დასწრება უფასო რე დო ვართ ფარას შაყარანა.

• მიშ მაგალითის მეჸუნა იეჰოვაშ მოწმეეფი, მუჟამს კრებაშ შეხვალამეფს ატარენა?

• მუ ჯგირობუას მომღანა ქრისტიანულ კრებეფშა გილულა?