Taani oneettiha olumwinku ola?
Nyuwo nnoona wiira . . .
-
Muluku?
-
apinaatamu?
-
aahiidho ntthu nkina?
BIIBILIYA ONLOTTA WIIRA:
‘Elapo yootheene eneettihiwa ni Ntakhali.’—1 Yohani 5:19.
‘Mwaana a Muluku . . . ohorwa wiira apwetexe miteko sa Satana.’—1 Yohani 3:8, Biblia Solepwa Sowarya.
SEENI ERI AYA YOOREERA ODHUWELA ELO?
Enawookhaliherani odhuwela mathowa aniiriha okhumelela mixankiho nlaponi.—Wiisuupulula 12:12.
Enawookhupalihani wiira makhalelo a elapo anookhala ooreera.—1 Yohani 2:17.
NINOOWERYA OKHUPALI ELE BIIBILIYA ONLOTTA IYE?
Aayo, mwaha wa mathowa mararu:
-
Olamulela wa Satana ohanle vakhaani omala. Yehova oolakela omaliha olamulela wa Satana wa oweettiha apinaatamu. Muluku oolaihera ‘ompwetesa Satana’ ni omaliha ohaawa wootheene onkhumiheriwa ni Satana.—aHeeberi 2:14, Biibiliya Soolepwa Soowarya.
-
Muluku oontthanla Yesu wiira alamulele elapo. Namalamulela a olumwinku ola tootakhala, ni a nrima. Masi Yesu toovirikana nuuwo. Muluku oolaihera wiira Yesu, nkhama mwene ‘Onawaamorela ikharari alipa-oothanyiwa: onowoopola atthu oohaawa . . . Onowaakihera atthu oohadhuliwa ni oopuheriwa: onawaakumihera nlattu ale anaahasa.’—Esalimo 72:13, 14.
-
Muluku khanootha. Biibiliya onlotta wiira: ‘Muluku khankhala-khala oothaka.’ (aHeeberi 6:18) Yehova Muluku alotta etthu enkhala yeelo. Owo alaihera etthu, onnaakhwanihera! (Yesaya 55:10, 11) ‘Ole onruma vathi-va, onawiikariwa.’—Yohani 12:31.
NKUUPUWELANI
Olumwinku on’ya okhala dhai apwetesiwa Satana?
Biibiliya onnaakhula nikoho nna va ESALIMO 37:10, 11 ni WIISUUPULULA 21:3, 4.
Woonawene Pooti Woodhivelani
HIYO NAANI
Nvekele Osekuriwa
Mphwanye waakhuliwa wa nikoho na mBiibiliyani, aahiidho ndhuwele itthu dhikina voohima dha Anamoona a Yehova.
