Nyuwo Nnimoonela Dhai Biibiliya?
Nnuupuwela wiira Biibiliya . . .
-
eliivuru ya miruku dha apinaatamu?
-
elivuru ya ihanttisi ni itthu dhawoothiwa?
-
aahidho Nuulumo na Muluku?
BIIBILIYA ONLOTTA WIIRA:
‘Dhoolempwa dhoothene Dhuupuseriwe ni Muluku.’—2 Timótheyo 3:16, Bibiliya Solempwa Sowarya.
SEENI ERI AYA YOOREERA ODHUWELA ELO?
Nnoophwanya waakhuliwa wa makoho ootthuneya a mwekumini.—Miruku 2:1-5.
Miruku dhoororomeleya dha khuta nihiku.—Esalimo 119:105.
Nlipelelo neekhweeli na nhoolo.—aRoma 15:4.
NINOWERYA OKHUPALI ELE BIIBILIYA ONLOTTA IYE?
Aayo, mwaha wa mathowa mararu:
-
Ovarihana wuulupale. Biibiliya aatikhiwe mwa iyaakha 1.600 ni atthu 40. Akinakuya khadhuwelanne. Hata eri dhiidho, Biibiliya ootheene toovarihana ni onttittimihera mwaha mmodha!
-
Miyaha dha ekhweeli. Ivara dhawaatta atthu annivitha dhovonya dha atthu aya. Masi atthu yaamwatikha Biibiliya khiyaavitha dhoovonya-dha ni dhoovonya dha atthu a nloko-na.—2 Wahala 36:15, 16; Esalimo 51:1-4, Tradução do Novo Mundo da Bíblia Sagrada.
-
Iprofesiya dhoororomeleya. Mwa nlikanyiho Biibiliya aahilotta wiira Babiloniya aayaa onyaanyiwa. (Yesaya 13:17-22) Nitho aahilotta moopora Babiloniya aaya iye onyaanyiwa ni ndhina na ntthu aaya onnyaanya. Eprofecia ela yairanennye nuumala iyaakha 200!—Yesaya 45:1-3.
Nitho iprofesiya dhawaatta dha mBiibiliyani dhaahireya hata ni miyaha mikhaani-mikhaani. Ni tiyeelo nalipelela nhu Nuulumo na Muluku—2 Pedru 1:21.
NKUUPUWELANI
Nuulumo na Muluku nin’ya okhalihera dhai ekumi nnyu?
Biibiliya onnaakhula nikoho nlo va YESAYA 48:17, 18 ni 2 TIMOOTHEYO 3:16, 17.
Woonawene Pooti Woodhivelani
HIYO NAANI
Nvekele Osekuriwa
Mphwanye waakhuliwa wa nikoho na mBiibiliyani, aahiidho ndhuwele itthu dhikina voohima dha Anamoona a Yehova.
