Aima hã, E Niha Tiꞌa Hã Dza Aptoꞌoré.
Tiꞌa hã...
-
e te dza õne uꞌö ꞌre höimana.
-
e te dza tiwatsété petse.
-
e te dza tiwẽ petse.
E NIHA BÍBLIA TE TINHA
‘ꞌRe ĩhöimana uꞌötsi mono hã te dza oto datsiré ꞌre höimana uꞌötsi, ... tawamhã datõmoꞌu, dapẽꞌẽdzé, dadö, datsiwaꞌõ, dahödzé, höimana dzaꞌra õ di dza oto.’ —Apocalipse 21:3,4,ꞌRe Ĩhâimana Uꞌâsi Mono Zadawa Wasuꞌu.
E NIHA TA HÃ TE DZA AIPAWAPTO
Ĩré hã dza romhuri ĩwẽ uptabi. —Isaías 65:21-23.
Te dza ꞌre aihöimana aihödzé ãna duré robdzépata ãna. —Apocalipse 21:4.
Te dza ꞌre aihöimana uꞌötsi mo robdze na atsitsãnawã norĩ hã duré atsiwaihu norĩ tsiré hã. —Salmo 37:11,29.
E WA DZATSADZEI PETSE DZAꞌRA NI BÍBLIATE TE ĨNHARĨHÃ.
Ĩhe, maparane marĩ uꞌöbö:
-
Höimanaꞌuꞌö ĩwaihuꞌupe ĩré hã te te tinhimiropitsudu hã ãma uwaimrami da hã. Bíblia te tinha, Jeová Höimanaꞌuꞌö tsi ‘ĩwaihuꞌu petse uptabi na’, ĩwaihuꞌupe hã tsiꞌutõrĩ waihuꞌu õ wa. (Apocalipse 15:3) Taha wa, tedza tô tsena uwaimra tinhimiropitsudu hã Tiꞌai ãma rowẽ da. Bíblia te tinha: ‘Taha ma tsi waihuꞌu petse di, uburé marĩ hã’. —Mateus 19:26.
-
Höimanaꞌuꞌö te tsima wẽ te teãma uwaimrami da ã hã ropitsudu hã. Ãma ĩtsimiré, Jeová “pẽꞌẽdzé” di ĩdadöꞌö dzaꞌra ãma duré te tsima wẽ petse tete höiwaꞌutu dzaꞌra da.—Jó 14:14,15.
Bíblia duré te tinha Höimanaꞌuꞌö ꞌra, Jesus, te te ĩꞌapetse na ĩhödzé ré norĩ hã. Emarĩ wa. Tô tsena te te tsima wẽ wa. (Marcos 1:40, 41) Jesus te te ꞌre tsidzutsi Timama höimanadzé hã, taha wa te tetsima ꞌre wẽ te te daꞌapawaptob da. —João 5:19.
Ãne, wa dza tsadzei petse dzaꞌra ni Jeová duré Jesus te te tsima ĩwẽ dzahuré na te te wapawaptob dzaꞌra da ꞌre wahöimana wẽ dzaꞌra mono da aptoꞌoré hã. —2 Tessalonicenses 1:7; 2 Pedro 3:9.
ÃMA ROTSAꞌRATA
E niha Höimanaꞌuꞌö te dza ãma tsaprĩ Tiꞌa rowẽ u hã.
Bíblia te tsadaꞌö ta hã MATEUS 6:9, 10 duré 1 CORÍNTIOS 15:24 ãma.
Ãté aima wẽ di dza taha na duré
ESSENTIAL BIBLE TEACHINGS
E marĩ hã Höimanaꞌuꞌö Nhimirobꞌrudzé
Tiꞌai ré, Jesus ma tô dama romnhoré petse Höimanaꞌuꞌö Nhimirobꞌrudzéb dzô. Ã bötö mono na hã duré, daꞌahö na te da te ꞌre rowaptẽrẽ dzaꞌra Höimanaꞌuꞌö Nhimirobꞌrudzéb dzô.
ROꞌMADÖꞌÖꞌWA
E marĩ Ropotoꞌwa nhimirobꞌrudzé te dza ãma uwaimra.
Jesus ma tãma waihuꞌu petse di Ropotoꞌwa nhimirobꞌrudzép tsi te dza uprotsi dama ropire. E marĩ dzarina wa dza umnhatsi dzaꞌra ni tahã Ropotoꞌwa nhimirobꞌrudzé te te ĩꞌmanharĩ na hã dza. ꞌMadöꞌö e marĩ Ropotoꞌwa nhimirobꞌrudzé ma tô ꞌmanha.
E ꞌWAM NORĨ, WA NORĨ HÃ
Waptẽrẽ wa te atsabu da
Wama robdzanhamri Bíblia watsuꞌu ãma, niwamhã Jeová Watsuꞌuꞌwa norĩ ãma waihuꞌu duré.
