Fakamahino ʼo Te ʼu Tohi Fakatohi-tapu
’E fakamahino mai ’i te ’u ki’i ʼata viteo ʼaeni pe kotea ʼae ʼe fakamatala ʼi te ʼu tohi ʼo te Tohi-Tapu. Ke ke fakaʼaogaʼi te ʼu manatu ʼaia ʼi tau lautohi pea mo tau ako tokotahi te Tohi-Tapu.
Fakamahino ʼo ʼUhiga Mo Te Tohi-Tapu
Kotou tokagaʼi peʼe lagolago feafeaʼi te ʼu tohi takitahi ki te kupu taki ʼo te Tohi-Tapu ʼae ko te Puleʼaga ʼae ka hau ai ia Kilisito Sesu ka ina fakalakatonuʼi te huafa ʼo Sehova.
Fakamahino ʼo ʼUhiga Mo Te Tohi ʼo Senesi
ʼE tou maʼu ʼi te tohi ʼo Senesi te ʼu fakamatala maʼuhiga ʼo ʼuhiga mo te kamataʼaga ʼo te malamanei pea mo te tupuʼaga ʼo te mamahi pea mo te mate.
Fakamahino ʼo ʼUhiga Mo Te Tohi ʼo Ekesote
Neʼe fakaʼateainaʼi e te ʼAtua ia te kau Iselaele mai te popula ʼi Esipito pea mo ina fakatuʼutuʼu natou ko he puleʼaga ʼe tauhi kia te ia.
Fakamahino ʼo ʼUhiga Mo Te Tohi ʼo Levitiko
Vakaʼi pe ha feafeaʼi ʼi te tohi ʼo Levitiko te ʼuhiga maʼa ʼo te ʼAtua pea mo te maʼuhiga ʼae ke tou toe maʼa mo tatou.
Fakamahino ʼo ʼUhiga Mo Te Tohi ʼo Numelo
Tokagaʼi te maʼuhiga ki te maʼuli te fakalogo kia Sehova pea mo te fakaʼapaʼapa ki ʼana fakafofoga ʼae ʼe natou takitaki tana hahaʼi.
Fakamahino ʼo ʼUhiga Mo Te Tohi ʼo Tetelonome
Kotou tokagaʼi pe ʼe ha feafeaʼi ʼi te Lao ʼae neʼe foaki e Sehova ki Iselaele tana ʼofa mamahi ki tana hahaʼi.
Fakamahino ʼo ʼUhiga Mo Te Tohi ʼo Tuʼi Fakamau
Neʼe higoa feia te tohi he ʼe talanoa ai ki he ʼu tagata mo fafine lototoʼa mo tui, ʼae neʼe fakaʼaogaʼi e te ʼAtua moʼo haofaki Iselaele mai tonatou fakamamahiʼi.
Fakamahino ʼo ʼUhiga Mo Te Tohi ʼo Lute
ʼE fakamatala e te tohi ʼo Lute te ʼofa moʼoni ʼa te fafine neʼe hoki mate tona ʼohoana ki te faʼe ʼo tona ʼohoana kua toe mate tona ʼohoana pea mo tona fakapale e Sehova ia naua tokolua.
Fakamahino ʼo ʼUhiga Mo Te Tohi ʼo 1 Samuele
Vakaʼi te temi ʼae ʼi Iselaele neʼe fetogi ai te temi ʼo te ʼu tui fakamau e te temi ʼo te ʼu hau.
Fakamahino ʼo ʼUhiga Mo Te Tohi ʼo 2 Samuele
Kotou vakaʼi pe neʼe feafeaʼi te agavaivai pea mo te tui ʼa Tavite, ʼe tupu tona ʼofainaʼi pea mo tana makehe mai ia natou ʼae ʼi te Tohi-Tapu.
Fakamahino ʼo ʼUhiga Mo Te Tohi ʼo 1 Hau
Tou lau te kololia mo te koloaʼia ʼo Iselaele ʼi te temi pule ʼo te Hau ko Salomone, ʼo kaku ki te temi tokakovi ʼo te ʼu puleʼaga ʼe lua, ia Iselaele mo Suta.
Fakamahino ʼo ʼUhiga Mo Te Tohi ʼo 2 Hau
Logo la te mafola ʼo te apositasia ʼi te puleʼaga noleto ʼo Iselaele, kae neʼe tapuakiʼi e Sehova ia te kau Sutea ʼae neʼe kei tauhi agatonu kia te ia.
Fakamahino ʼo ʼUhiga Mo Te Tohi ʼo 1 Koloniko
Kotou muliʼi ia te hologa mo te maʼuli ʼo te Hau ko Tavite, ʼae neʼe manavasiʼi ki te ʼAtua, ʼi tana pule ki Iselaele ʼo kaku ki tana mate.
Fakamahino ʼo ʼUhiga Mo Te Tohi ʼo 2 Koloniko
Tou vakaʼi pe ʼe fakamaʼuhigaʼi feafeaʼi e te hisitolia ʼaeni ʼo te ʼu hau ʼo Suta ia te nofo agatonu ki te ʼAtua.
Fakamahino ʼo ʼUhiga Mo Te Tohi ʼa Esetalasi
Neʼe fakahoko e Sehova tana fakapapau ʼae ke ina fakaʼateaina tana hahaʼi mai tanatou ʼaunofo ʼi Papilone pea mo tanatou toe fakatuʼu ia te tauhi moʼoni ʼi Selusalemi.
Fakamahino ʼo ʼUhiga Mo Te Tohi ʼa Neemia
ʼE ʼi ai te ʼu ako maʼuhiga ʼe feala ke maʼu e te kau Kilisitiano ʼo temi nei mai te tohi Fakatohi-tapu ʼa Neemia.
Fakamahino ʼo ʼUhiga Mo Te Tohi ʼa Esitele
Ko te ʼu aluʼaga fakamataku ʼae neʼe hoko ʼi te temi ʼo Esitele, ʼe ina fakamalohi tatatou tui ʼo ʼuhiga mo Sehova ʼe ina lava haofaki tana hahaʼi mai te ʼu faigataʼaia fuli.
Fakamahino ʼo ʼUhiga Mo Te Tohi ʼo Sopo
ʼE ʼahiʼahiʼi anai ia natou fuli ʼae ʼe ʼoʼofa kia Sehova. ʼAki te fakamatala ʼo ʼuhiga mo Sopo, ʼe tou iloʼi ai ʼe feala pe ke tou nofo agatonu kia Sehova pea mo lagolago ki tana pule faʼitaliha.
Fakamahino ʼo ʼUhiga Mo Te Tohi ʼo Pesalemo
ʼE vikiʼi ʼi te tohi ʼo te ʼu Pesalemo te pule faʼitaliha ʼa Sehova, pea mo tana tokoni pea fakalotofimalie ia natou ʼae ʼe ʼoʼofa kia te ia. ʼE ina fakaha peʼe fetogi feafeaʼi anai te kele ʼaki te tana Puleʼaga.
Fakamahino ʼo ʼUhiga Mo Te Tohi ʼo Taaga Lea
Kotou kumi te takitaki ʼa te ʼAtua ʼae ʼe ʼaoga ʼi te ʼu aluʼaga fuli ʼi ʼotatou maʼuli, ohage la ko te gaue, pea mo te ʼu fihifihia fakafamili.
Fakamahino ʼo ʼUhiga Mo Te Tohi ʼo Ekelesiasi
ʼE fakamahino e te hau ko Salomone pe kotea ʼae ʼe maʼuhiga tafito ʼi te maʼuli pea mo te ʼu meʼa ʼae ʼe mole alu tahi mo te poto ʼae ʼe haʼu mai te ʼAtua.
Fakamahino ʼo ʼUhiga Mo Te Tohi Katiko o Te u Katiko
He koʼe ʼe fakata ʼi te tohi ʼaia, te ʼofa moʼoni ʼa te taʼahine Sulamita ki te tama tauhi manu ki te “uloʼi afi ʼo Sehova”?
Fakamahino ʼo ʼUhiga Mo Te Tohi ʼa Esaia
ʼE maʼu ʼi te tohi ʼa Esaia te ʼu lea fakapolofeta neʼe hoko moʼoni. ʼE tou falala ai ʼe fakahoko moʼoni e Sehova ʼana fakapapau pea ʼe ina haofaki tana hahaʼi.
Fakamahino ʼo ʼUhiga Mo Te Tohi ʼo Selemia
Neʼe agatonu ia Selemia ʼo fakahoko lelei tana gaue ʼi tona ʼuhiga polofeta logo la tona faigataʼa. Fakakaukauʼi te maʼuhiga ʼo tana faʼifaʼitaki ki te kau Kilisitiano ia ʼaho nei.
Fakamahino ʼo ʼUhiga Mo Te Tohi Tagi Laulau
Neʼe tohi e te polofeta ko Selemia, ʼe talanoa te tohi Tagi Laulau ki te lotomamahi ʼo tupu ko te fakaʼauha ʼo Selusalemi pea ko te fakahemala ʼe taki ki te manavaʼofa ʼo te ʼAtua.
Fakamahino ʼo ʼUhiga Mo Te Tohi ʼo Oseo
’E tou ma’u ’i te lea fakapolofeta ’a Oseo te ’u ako ma’a tatou ’i te temi nei ’o ’uhiga mo te manava’ofa ’o Sehova kia natou ’ae ’e fakahemala pea mo te tauhi ’ae ’e ina loto ki ai.
Fakamahino ʼo ʼUhiga Mo Te Tohi ʼo Soele
Neʼe kikite te polofeta ko Soele ’o ʼuhiga mo te ovi mai ’o te “ʼaho ’o Sehova” pea mo ina fakaha te puleʼaki ki te haofaki. ’E toe maʼuhiga age tana lea fakapolofeta ia ʼaho nei.
Fakamahino ʼo ʼUhiga Mo Te Tohi ʼo Amosi
Neʼe fakaʼaoga’i e Sehova te tagata agavaivai mo’o fakahoko he gaue maʼuhiga. Kotea te ’u ako maʼuhiga ’e tou ma’u mai te faʼifaʼitaki ’o Amosi?
Fakamahino ʼo ʼUhiga Mo Te Tohi ʼo Sonasi
Neʼe tali e te polofeta tona fakatonutonu’i, mo fakahoko tana gaue, pea mo foaki mai he ako maʼuhiga ’o te ʼuhiga mo te ʼofa agatonu pea mo te manavaʼofa ’o te ʼAtua. ’E malave anai tona hisitolia ki tokotou loto.
Fakamahino ʼo ʼUhiga Mo Te Tohi ʼo Mikea
Ko te lea fakapolofeta ʼaia mai te ʼAtua ’e ina fakamalohi anai tatatou iloʼi ʼae ko Sehova ’e ina kole mai pe te meʼa ʼae ’e tou lava’i mo ʼae ’e tou fiafia ai.
Fakamahino ʼo ʼUhiga Mo Te Tohi ʼo Naume
’E foaki e te lea fakapolofeta te falala ʼae ko Sehova ’e ina fakahoko tuʼumaʼu tana folafola pea mo te fakalotofimalie ’o natou fuli ’e natou kumi te tokalelei pea mo te haofaki ’i tona Pule’aga.
Fakamahino ʼo ʼUhiga Mo Te Tohi ʼo Hapakuke
’E tou falala ’e iloʼi tuʼumaʼu e Sehova te temi mo te puleʼaki tonu ʼae ’e ʼaoga ki te haofaki ’o tana haha’i.
Fakamahino ʼo ʼUhiga Mo Te Tohi ʼo Sofoni
He koʼe ʼe tonu ke tou tokaga ki te manatu ʼae ko te ʼaho ʼo Sehova ʼe mole haʼu anai ia?
Fakamahino ʼo ʼUhiga Mo Te Tohi ʼo Akeseo
’E fakaha e te lea fakapolofeta te ma’uhiga ’ae ’o te fakamu’amu’a ’o te tauhi ’o te ’Atua ’i totatou ma’uli.
Fakamahino ʼo ʼUhiga Mo Te Tohi ʼo Sakalia
ʼE lahi te ʼu lea fakapolofeta neʼe lotomalohi ai te hahaʼi ʼa te ʼAtua ʼo te temi muʼa. Ko te ʼu lea fakapolofeta ʼaia ʼe kei fakalotomalohi tatou ke tou fala ki te tokoni ʼa Sehova ia ʼaho nei.
Fakamahino ʼo ʼUhiga Mo Te Tohi ʼo Malakia
’E ko he lea fakapolofeta ’o ’uhiga mo te ’u pelesepeto tukupau ’a te ’Atua, mo tona manava’ofa pea mo tona ’ofa. ’E toe foaki mai e te lea fakapolofeta ’aia he ’u ako ma’uhiga ’o ’uhiga mo ni ’alu’aga ’e hoko ia ’aho nei.
Fakamahino ʼo ʼUhiga Mo Te Tohi ʼa Mateo
Kotou maʼu he ʼu ako ʼi te tohi Fakatohi-tapu ʼaeni, ko te ʼuluaki tohi ʼo te ʼu Evaselio ʼe fa.
Fakamahino ʼo ʼUhiga Mo Te Tohi ʼa Maleko
ʼE ko te Evaselio ʼa Maleko ʼae ʼe nounou age ʼi te ʼu Evaselio, kaʼe ʼe maʼu ai he faʼifaʼitaki ʼo te pule ʼa Sesu ʼi tona ʼuhiga Hau ʼo te Puleʼaga ʼo te ʼAtua.
Fakamahino ʼo ʼUhiga Mo Te Tohi ʼa Luka
Kotea te logo ʼae ʼe makehe ai te Evaselio ʼa Luka?
Fakamahino ʼo ʼUhiga Mo Te tohi ʼa Soane
ʼE fakamatala lelei e Soane te ʼofa ʼo Sesu ki te malamanei, mo tana agavaivai, pea mo tona ʼuhiga Mesia, ʼae ka Hau anai ʼi te Puleʼaga ʼo te ʼAtua.
Fakamahino ʼo ʼUhiga Mo Te Tohi Gaue ʼa Te Kau Apositolo
Neʼe gaue malohi te ʼu ʼuluaki Kilisitiano ki te fai ʼo ni tisipulo ʼi te ʼu puleʼaga. ʼAki te tohi Gaue, ʼe feala ke malohi tatatou faʼafai mo tatatou fiafia ki te minisitelio.
Fakamahino ʼo ʼUhiga Mo Te Tohi ʼo 1 Kolonito
ʼE maʼu ʼi te tohi ʼa Paulo te ʼu tokoni mai te ʼAtua ʼo ʼuhiga mo te logo tahi, te aga maʼa, te ʼofa pea mo te akonaki ki te fakatuʼuake.
Fakamahino ʼo ʼUhiga Mo Te Tohi ʼo 2 Kolonito
Ko Sehova, “te ʼAtua ʼo te fakalotofimalie fuli,” ʼe tokoni mo fakalotomalohi ʼana kaugana.
Fakamahino ʼo ʼUhiga Mo Te Tohi ʼo Kalate
ʼE ʼaoga te tohi ʼo Kalate ki te temi ohage pe ko te temi ʼae neʼe tohi ai. ʼE tokoni ki te kau Kilisitiano moʼoni ke natou nonofo agatonu.
Fakamahino ʼo ʼUhiga Mo Te Tohi ʼo Efeso
ʼE fakamaʼuhigaʼi ʼi te tohi ʼaia te finegalo ʼae ʼo te ʼAtua ke ina foaki mai te tokalelei pea mo te logotahi ʼaki ia Sesu Kilisito.
Fakamahino ʼo ʼUhiga Mo Te Tohi Ki Te Kau Filipe
Ka tou katakiʼi te ʼahiʼahi, pea ʼe tou ʼekenaki ʼo ni ʼihi atu ke natou nofo agatonu.
Fakamahino ʼo ʼUhiga Mo Te Tohi Ki Te Kau Kolose
ʼE feala ke tou fakafiafiaʼi ia Sehova ʼaki te maʼuliʼi ʼo te ʼu meʼa ʼae ʼe tou ako, ke tou maʼu te loto fakamolemole, pea mo te fakamaʼuhigaʼi ʼo te tuʼulaga mo te pule ʼa Sesu.
Fakamahino ʼo ʼUhiga Mo Te ʼUluaki Tohi Ki Te Kau Tesalonika
ʼE tonu ke tou nonofo ʼalaʼala, “vakavakaʼi fakalelei ia meʼa fuli,” “faikole tuʼumaʼu,” pea mo tou fefakalotomalohiʼaki.
Fakamahino ʼo ʼUhiga Mo Te Lua Tohi Ki Te Kau Tesalonika
ʼE fakatonutonuʼi e Paulo te manatu hala ʼo ʼuhiga mo te hoko mai ʼo te ʼaho ʼo Sehova, pea ʼe ina fakalotomalohiʼi te ʼu tehina ke natou nonofo agatonu ki te ʼAtua.
Fakamahino ʼo ʼUhiga Mo Te ʼUluaki Tohi Kia Timoteo
Neʼe tohi Paulo ia 1 Timoteo ke fakatuʼutuʼu te ʼu gaue ʼi te kokelekasio, pea mo fakatokaga ʼo ʼuhiga mo te ʼu akonaki loi pea mo te manako ki te paʼaga.
Fakamahino ʼo ʼUhiga Mo Te Lua Tohi Kia Timoteo
ʼE fakalotomalohiʼi e Paulo ia Timoteo ke natou fakahoko katoa te faifakamafola.
Fakamahino ʼo ʼUhiga Mo Te Tohi Kia Tito
ʼE faitohi Paulo kia Tito ʼo tala age te ʼu fihifihia ʼi te ʼu kokelekasio ʼo Kelete mo te ʼu maʼua fakalaumalie ʼa te ʼu tagata ʼafeā.
Fakamahino ʼo ʼUhiga Mo Te Tohi Kia Filemone
Neʼe veliveli kae malohi te ʼu tokoni ʼaoga ʼa te tohi ʼo ʼuhiga mo te agavaivai, te agaʼofa, pea mo te fakamolemole.
Fakamahino ʼo ʼUhiga Mo Te Tohi Ki Te Kau Hepeleo
Neʼe fakata e te ʼu sakilifisio manu neʼe fai ʼi te fale lotu te tauhi Fakakilisitiano ʼae ʼe laka age.
Fakamahino ʼo ʼUhiga Mo Te Tohi ʼo Sakopo
ʼE fakaʼaogaʼi e Sakopo te ʼu pāki moʼo akoʼi te maʼuhiga ʼo te ʼu pelesepeto Fakakilisitiano.
Fakamahino ʼo ʼUhiga Mo Te ʼUluaki Tohi ʼo Petelo
ʼE fakamalohiʼi tatou ʼi te ʼuluaki tohi ʼo Petelo ke tou maʼuliʼi mo tuku fuli ʼotatou tuʼania ki te ʼAtua.
Fakamahino ʼo ʼUhiga Mo Te Lua Tohi ʼo Petelo
ʼE fakalotomalohiʼi tatou e Petelo ʼi tana lua tohi ke tou agatonu ʼo atali ki te kele foʼou mo te lagi foʼou.
Fakamahino ʼo ʼUhiga Mo Te ʼUluaki Tohi ʼo Soane
ʼE fakatokagaʼi tatou ʼi te tohi ʼo Soane ʼo ʼuhiga mo te apositasia pea mo tokoni mai ke tou mahino pe kotea ʼae ʼe tonu ke tou ʼofa pea mo tou fehiʼa kiai.
Fakamahino ʼo ʼUhiga Mo Te Lua Tohi ʼo Soane
ʼE fakamanatuʼi mai ʼi te lua tohi ʼo Soane ke tou haga haʼele ʼi te moʼoni pea mo fakamamaʼo mai te kau aposita.
Fakamahino ʼo ʼUhiga Mo Te Tolu Tohi ʼo Soane
ʼE tou maʼu ʼi te tolu tohi ʼo Soane ia he ako maʼuhiga ʼo ʼuhiga mo te tali kaiga Fakakilisitiano.
Fakamahino ʼo ʼUhiga Mo Te Tohi ʼo Suta
ʼE fakamahino mo fakaha e Suta te haga ʼa ʼihi ʼo kakaʼi mo fakaheʼi te kau kilisitiano.
Fakamahino ʼo ʼUhiga Mo Te Tohi ʼo Fakaha
ʼE fakaha ʼi te ʼu meʼa neʼe ha ʼi te tohi ʼo Fakaha te fakahoko katoa e te Puleʼaga ʼo te ʼAtua tona finegalo ʼo ʼuhiga mo te tagata pea mo te kele.