“God . . . alamb ga nolom kiⱡ ngonda, gosmon poroñinda, kumbol ombun na toⱡga poroñinda, ngants ngimbil nagoram. Kombe wal mand e poro wei niñda.”​—Revelesen 21:3, 4, Nupela Taim Baibel.

Kongan endeⱡ mem ka pande, amamas endeⱡ.​—Aisaia 65:21-​23.

Kes tonom, ngants ngimbil na kumbol ombun poro niñda.​—Aisaia 25:8; 33:24.

Famili na alambneman boⱡ amamas er koⱡnga kunom kunom moram.​—Song 37:​11, 29.

Yu e keñem wei bilip enamen nal erim, yu mem 2-pela paimbel:

• God promis ñe kem meiem wal e, er kelde miñe wonda kaple erem. Baibel dom ñe God Jehova mongsi kangem embe paiem, “God Omblom Dongaⱡ Poropor Paiem.” (Revelesen 15:3) Embe piⱡe, olom promis ñe mal yem yem erkelde wo ka wei punda kaple enem. “God wal poropor enda kaple enem” pa ñe Baibel embe dom.​—Matyu 19:26.

• God promis ñe kem meiem e, miñe wonda bar e olom ka wei pisem. Embe mal, alamb gonjip paim e, God si aksa bar “ka wei pisem.”​—Jop 14:​14, 15.

  Baibel dom ñe God ngalem Jisas alamb kes tom panjip er si koⱡ kem. Nal ernge erim? Nal piⱡe, olom enaⱡ ñe ka wei pim. (Mak 1:​40, 41) Dam erim mal, Jisas pra alamb pake sinam monjip, pake tonaⱡ ñe ka wei pim.​—Jon 14:9.

  Embe piⱡe, Jehova na Jisas keñem akling ka wei moramen ñe pisbeⱡ piⱡe keñem bilip wei eramen!​—Song 72:​12-​14; 145:16; 2 Pita 3:9.