Kay Ano nga an mga Saksi ni Jehova Diri Nagamit han Krus ha Ira Pagsingba?
Para ha damu nga tawo, an krus nagsisimbolo han Kristianidad. Bisan kon an mga Saksi ni Jehova mga Kristiano, diri kami nagamit han krus ha amon pagsingba. Kay ano?
An usa nga rason tungod kay iginpapakita han Biblia nga namatay hi Jesus ha usa la nga tadong nga kahoy, diri ha krus. Dugang pa, an Biblia mapwersa nga nagpapahamangno ha mga Kristiano nga ‘pumalagiw tikang ha idolatriya,’ nga nagpapasabot nga diri gumamit hin krus ha pagsingba.—1 Corinto 10:14; 1 Juan 5:21.
Makapainteres, hi Jesus nagsiring: “Pinaagi hini an ngatanan mahibabaro nga mga disipulo ko kamo—kon nahigugma kamo ha usa kag usa.” (Juan 13:34, 35) Salit iginpakita ni Jesus nga an pangirilal-an han iya totoo nga mga sumurunod amo an nagsasakripisyo nga gugma, diri an krus o bisan ano nga imahen.
Bangin Maruyagan Mo Liwat
PAGPAMATA!
Krus—Igintututdo ba han Biblia?
Para ha damu, an krus simbolo han Kristianidad. Namatay ba hi Jesus ha krus? Gin-gamit ba han mga disipulo ni Jesus an krus ha ira pagsingba?
IMPORTANTE NGA MGA KATUTDOAN
Gin-uuyonan ba han Dios an Paggamit hin mga Imahen ha Pagsingba?
Makakabulig ba an mga imahen basi magin duok kita ha Dios nga diri naton nakikita?
KATUTDOAN HAN BIBLIA
Testingi an Pag-aram Biblia
Magkaada libre nga interactive nga pag-aram ha Biblia nga may kaupod nga magturutdo.