AGOSTO 7, 2023
PHILIPPINES
An Super Typhoon Doksuri Tumama ha Pilipinas
Han Hulyo 26, 2023, an Super Typhoon Doksuri nag-landfall ha Aparri, Cagayan, ha norte nga bahin han Pilipinas. Inin makusog nga bagyo, nga gintawag nga Egay ha Pilipinas, may-ada hangin nga an kakusgon inabot hin 220 ka kilometro kada oras. Nagresulta liwat ito hin duro nga mga pagbaha ha damu nga lugar han nasud.
Epekto ha Kabugtoan
Makasurubo, 1 nga brother an namatay tungod kay igin-anod hiya ha salog
2 nga balay an may daku nga guba
18 nga balay an may gutiay nga guba
1 nga Kingdom Hall an may gutiay nga guba
Mga Relief Work
An lokal nga mga tigurang naghahatag hin pagparig-on tikang ha Biblia ngan praktikal nga bulig ha mga naapektohan
Samtang ginpapamulat naton an panahon nga mawawara na an mga kalamidad, hi Jehova padayon nga ‘nagliliaw ngan nagpapakalma’ ha mga nag-iilob han ngatanan nga klase hin problema.—Salmo 94:19.