Ee. Kaallidi deˈiya gaasotuppe denddidaagan nuuni Kiristtaane:

•   Nuuni Yesuus Kiristtoosa timirttiyaanne eeshshaa loyttidi kaallanawu baaxetoos.—1 PHeexiroosa 2:21.

•   Atotettaa demmanawu Yesuusan ammaniyoogee keehippe koshshiyoogaa ammanoos, “nuuni a sunttan attanau bessees; aissi giikko, Xoossai saluwaappe garssan asassi immido hara suntti baawa.”—Oosuwaa 4:12.

•   Asay Yihoowa Markka gidiyo wode, Yesuusa sunttan xammaqettees.—Maatiyoosa 28:18, 19.

•   Nu woosaa Yesuusa sunttan woossoos.—Yohaannisa 15:16.

•   Nuuni Yesuusi ubba attuma asau Huuphe, woy eta bolli aawatettay deˈanaadan sunttettidaagaa gidiyoogaa ammanoos.—1 Qoronttoosa 11:3.

 Gidikkokka, Kiristtaane geetettiya haymaanoote citatuppe daroban dummatoos. Leemisuwau, Geeshsha Maxaafay Yesuusi Sillaasiyaa shaaho gidennan, Xoossaa Naˈaa giidi tamaarissiyoogaa ammanoos. (Marqqoosa 12:29) Nuuni shemppoy hayqqennabaa giidi, Xoossay asaa merinawu siˈooliyaa taman xuuggees giyo qofay Geeshsha Maxaafan deˈees giidi, woy sintta xeera gididi haymaanoote oosota oottiyaageeta haraatuppe xoqqissidi xeesiyo bonchcho sunttay deˈana koshshees giidi ammanokko.—Eranchchaa 9:5; Hizqqeela 18:4; Maatiyoosa 23:8-10.