Yihoowa Markkati neeni loˈˈo ogiyan Geeshsha Maxaafay tamaarissiyoobaa eranaadan shoobboosona. Nuuni Geeshsha Maxaafaa xannaˈissiyo prograamee kaallidi deˈiya ogetun nena maaddana danddayees:

•   Ufayssiya deˈuwaa deˈanaadan

•   Xoossaa dabbo gidanaadan

•   Geeshsha Maxaafay sinttanaabaa yootiyoobaa eranaadan

Ha sinttan

•  Geeshsha Maxaafaa Waati Xannaˈiyoo?

•  Taani xannaˈanawu miishshaa qanxxana koshshii?

•  Xinaatee ay keena wodiyan wurii?

•  Taani waata doommanee?

•  Waati xannaˈiyaakko koyrottada issitoo malana danddayiyaanaa?

•  Taani Geeshsha Maxaafaa xannaˈanawu maayettikko, tana xannaˈissiyaagee taani Yihoowa Markka gidanaadan wolqqanttanee?

•  Ta Geeshsha Maxaafaa goˈettana danddayiyaanaa?

•  Ta xannaˈiyo wode issippe xannaˈanaadan harata shoobbana danddayiyaanaa?

•  Taani kase Yihoowa Markkatuura Geeshsha Maxaafaa xannaˈidaba gidikko shin? Zaarettada xannaˈana koshshii?

•  Geeshsha Maxaafaa issi uraara xannaˈiyoogaappe hara xannaˈissiyo ogee deˈii?

 Geeshsha Maxaafaappe issi issi huuphe yohuwaa eranaadan issi uri nena maaddana. Issippe tobbiyoogan Geeshsha Maxaafaa xannaˈanawu maaddiya Merinawu Ufayttada Deˈa! giyo xuufiyaa goˈettiyoogan, Geeshsha Maxaafay yootiyoobaanne hegee nena waati maaddana danddayiyaakko wodiyaappe wodiyan neeni tamaarana. Gujjada eranawu, ha biiduwaa beˈa.

 CHii. Yesuusi ba erissiyo ashkkaratussi, “Intte coo ekkideta; coo immite” giido kaaletuwaa Yihoowa Markkati kaalloosona. (Maatiyoosa 10:8) Hegaa bollikka, Geeshsha Maxaafaanne Merinawu Ufayttada Deˈa! giyo xuufiyaa gujjin, xannaˈanawu goˈettiyoobatussi miishsha qanxxakka.

 Kumetta xinaatiyan 60 timirtteti deˈoosona. He timirtteta ay keena wodiyan wurssanaakko kuuyiyay nena, shin daroti saaminttan issi timirttiyaa woy hegaappe daruwaa xannaˈoosona.

1.  1. Intternneetiyan qitsiyaa kuntta. Neeni nebaa kunttidobaa, Yihoowa Markkatuppe issoy yiidi nena oychchanaadan hanotaa giigissana xallawu goˈettoos.

2.  2. Xannaˈissiya uri nenaara gayttana. Nena xannaˈissiyaagee neeni Geeshsha Maxaafaappe ay tamaaranaakko qonccissana, qassi ne oychchiyo oysha ubbaa zaarana.

3.  3. Neeninne nena xannaˈissiyaagee awude, qassi waati xannaˈanaakko hanotaa giigisseeta. Intte issisan gayttidi woy silkkiyan, biiduwan, dabddaabbiyan woy iimeeliyan xannaˈana danddayeeta. Xinaatee darotoo issi saate ekkees, shin ne hanotaadan hegaappe guuxxana woy darana danddayees.

 Ee. Yaatanawu, intternneetiyan qitsiyaa kuntta. Xannaˈissiya uri nenaara gayttiyo wode, neeni hegaa dosanaakkonne mala beˈanawu koyiyoogaa he urawu yoota. Neeni he xinaatiyaa dosanaakkonne mala beˈanaadan maaddanawu, he uri heezzu timirttee deˈiyo Merinawu Ufayttada Deˈa! giyo brooshuriyaa goˈettana.

 CHii. Nuuni Yihoowa Markkati asaa Geeshsha Maxaafaa tamaarissiyoogaa dosoos, shin nu haymaanootiyaa kaallanaadan oonanne wolqqanttokko. Ubba asawu ba ammaniyoobaa dooriyo maatay deˈiyoogaa akeekidi, Geeshsha Maxaafay yootiyoobaa bonchchuwan tamaarissoos.—1 PHeexiroosa 3:15.

 Ee, ne koyiyo Geeshsha Maxaafaa birshshettaa awugaakka goˈettana danddayaasa. Nuuni akeekanawu metennanne likke gidida Ooratta Alamiyaa Birshshettaa goˈettikkokka, daroti bantta meezetido Geeshsha Maxaafaa birshshettaa goˈettanawu dosiyoogaa akeekoos.

 Ee. Ne so asa ubbaa woy ne laggetuppe oonanne shoobbana danddayaasa.

 Ee. Nuuni xannaˈissiyo ogee ha wodiyan deˈiya asaa maaddiya hanotan giigido gishshawu, haˈˈi nuuni xannaˈissiyo ogiyaa kaseegaappe aaruwan dosana danddayaasa. Haˈˈi Geeshsha Maxaafaa xinaatiyan kaseegaappe aaruwan beˈiyoobatinne issippe tobbiyoobati deˈoosona.

 Ee. Daroti issi uraara xannaˈiyoogan loytti akeekiyaaba gidikkokka, issoti issoti koyro banttarkka xannaˈanawu koyoosona. Geeshsha Maxaafaa Xannaˈanawu Maaddiya Miishshati deˈiyo sinttan, neeni xannaˈanawu maaddana danddayiyaabata miishsha qanxxennan demmana danddayaasa. Kaallidi deˈiyaabati nena maaddana danddayoosona:

•   Biidota. Ha qantta biidoti Geeshsha Maxaafaa timirtteta qonccissoosona.

•   Geeshsha Maxaafaabaa Oychchiyoobatu Zaaruwaa. Ha huuphe yohoti Geeshsha Maxaafaappe oychchiyo daro oyshata zaaroosona.

•   Geeshsha Maxaafaa Xiqisetu Qonccissuwaa. Daro asay eriyo Geeshsha Maxaafaa xiqisetunne qofatu birshshettaa akeeka.