Mmusome Daniyeli 9:​1-19 wiira mwiixutte xeeni vari aya va faita ohihiyererya yoosoma anyu.

Mwiiwexexeke saana mwaha munisoma anyu. Exeeni yiiraneyale? Eyo yaamukumihenrye exeeni Daniyeli? (Dan. 5:29–6:5) Mwaarowa woonela sai vaakhanle wiira nyuwo mwaari Daniyeli?

Mutokoseke vanceene. Iliivuru xeeni ‘silempwe’ Daniyeli aakhanle awe oorumeela wiira otokose? (Dan. 9:2; Sentinela 11 1/1 epaax. 22 etti. 2) Xeeni Daniyeli aahimmye awe soottheka sawe ni soottheka sa atthu a nloko na aisarayeli? (Onam. 26:​39-42; 1 Mam. 8:​46-50; Profecia de Daniel! ipaax. 182-184) Moota xeeni nivekelo na Daniyeli nnooniherya aya wiira aanisoma ni aniiwexexa oratta ene Nuulumo na Muluku? — Dan. 9:​11-13.

Muupuweleke itthu muniixutta anyu. Mwiikoheke so:

• ‘Xeeni kihinreerelaka onyoonyiheya ni itthu siniiraneya moolumwenkuni?’ (Mik. 7:7)

• ‘Osoma nuulumo na Muluku ni wiiwexexa ntoko Daniyeli, kinrowa ottottela sai mureerelo?’ (Sentinela 04 1/8 epaax. 12 etti. 17)

• ‘Moota xeeni iponto sa yoosoma aka ya omwaneene sinrowa aya okikhaliherya ‘othipelela okhala oowehaweha’? (Math. 24:​42, 44; Owehaweha 12 15/8 epaax. 5 itti. 7-8)