YOOSOMA 5
Muluku opakenle heeni elapo ya vathi?
1. Muluku opakenle heeni elapo ya vathi?
Muluku opaka elapo weera hiyo nikhalekemo. Owo ahaapaka atthu oopatxera mulopwana ni muthiyana aahela ematta yooreera ya Weedeni. Yehova atthuna weera Adamu, Heva ni anaaya ekhaleke mwemmo wa mahiku oohimala. (Ephattuwelo 2:15-17) Aakhala malaika apakiwe weera ekhaleke wirimu, mene atthu, epakiwe weera ekaleke elapo yeela ya vathi. — Yobi 38:4, 7. — Mmusome Nsalmu 37:29; 115:16.
Nipuro nne yaakhalaya Adamu ni Heva, yaari eparadiso. Koma emara yeeraya ekhalekeno anamwane, nipuro nne namwatxerereya. Aani, waatthuneya weera atthu ethokororeke nnene elapo weera evireleleke oreera. (Ephattuwelo 1:28) Muluku khatonko wuupuwela opwata elapo ya vathi, mene apankele weera ekhaliweke mpaka muhoolo. — Mmusome Nsalmu 104:5.
2. Olelo va, heeni elapo ehikhanlaaya eparadiso?
Elapo hekhanle eparadiso mwaha woowera Adamu ni Heva khiyamwiiwelenle Muluku. Awo yayelela eparadiso, ni yahoomoliwamo mmatta mmwe Weedeni. Elapo yootheene, khanavovo nipuro noolikana ntoko nne nootxelinwe. Nave Biblya onahima weera elapo yoosareya atthu oowali. — Yobi 9:24. — Mmusome Ephattuwelo 3:23, 24.
Neereke Yehova ohootxela yootthunaawe, weera aavahe atthu nipuro nooreera? Hooye. Muluku mutokweene ni towera soothesene, nto onoopaka soothene seiye ohimmawe. (Yesaya 45:18) Aani, ntoko Muluku ahimmaawe okhuma khalayi, atthu ennaweherera okhala mparadiso muhoolo. — Mmusome Nsalmu 37:11, 34.
3. Elapo enekhale hayi eparadiso?
Yesu apatxeraru olamulela elapo yoothene ya vathi, owo onrowa omutthukela Satana mukaliposo iyaakha 1.000. Biblya onnahima weera, Yesu ni malaika anrowa owiiva atthu ahinimwiiwelela Muluku ni ekhotto eneriwa Harmagedoni. Koma ale animwiiwelela Muluku khanrowa wiiviwa, mene Yesu onnrowa wathokorora. Atthu ene yaawo anrowa okhalaka mparadiso mahiku oohimala. — Mmusome Apokalise 20:1-3; 21:3, 4.
4. Ohaawa onoomale liini?
Vano Muluku onrowa omaliha liini ohaawa? Yesu oovaha “ineneero” ineera saakhavihere atthu osuwela weera emalihero eri vakhiviru. Olelo elapo yootepa woopiha, nto soothesene sineereya, sinonihera weera emalihero eri vakhiviru. — Mmusome Matheyo 24:3, 7-14, 21, 22.
Areene wirimu, Yesu onrowa olamulela ntoko mwene a elapo ya vathi. Mwa iyaakha 1.000, owo onrowa omaliha soxupa sootheene. (Yesaya 9:6, 7; 11:9) Opwaha mwa yeyo, Yesu onoovenxa soottheka saatthu yawo enamusivela Muluku. Yehova onrowa onvarihela muteko Yesu weera amalihe iretta, wuuluvala ni okhwa. — Mmusome Yesaya 25:8; 33:24.
5. Taani oonrowa okhala mparadiso?
Empa ya Omwene, nyuwo munimwaasuwela atthu animusivela Muluku, aani, antthuna oxuttera moota woomuhakalaliha yoowo
Atthu antxipale anamwiiwelela Muluku anoorowa okhala mparadiso. (1 Yohani 2:17) Yesu ahaalela oxutteraawe weera, yaaxuttiheke masu a Muluku atthu anitthuna wiiwa. Mohakalaliha, imiliyawu sintxipale saatthu sinnaxuttera moota woomuhakalaliha Muluku. (Sofoniya 2:3) Atthu antxipale olelo va, animukokhorela Muluku nave annixuttera moota wookhala asitiithi, asimaye ni anamwane owiiwanana. Mene annihakalala mwaha woosuwela mitthenka sooreera siri mBiblyani. — Mmusome Mikeya 4:1-4.
