Nel 28 de april de 2024 ga tacà piover fin che ga fato tante inondassion nel Rio Grande do Sul, nel sud del Brasil. Tante strade e costrussion le ze state rovinade, e par quela l’è stà fadiga par tante persone scampar via. Intorno de 2,1 milioni de persone le ze drio sofrir par causa de questa bruta situassion. Fin adesso, de pi de 125 persone no le ze state pi catade e al manco 147 le ze morte.

• 1 casal de età l’è morto

• 1.544 fradei e sorele ghe ga tocà ndar via de casa

• 2 case de fradei le ze state finide fora

• 155 case le ze tanto rovinade

• 483 case le ze state poco rovinade

• 3 Saloni del Regno i ze stati tanto rovinadi

• 10 Saloni del Regno i ze stati poco rovinadi

• L’è stà organisà un grupo de aiuto quando ghen’è desgràssie. Quei che i fà parte de questo grupo i ze ndati fin al posto ndove ga sucedesto la inondassion par dar ale persone quel che le ga de bisogno e anca par darghe consolo par meso dela Bìblia.

• Superintendenti de sircuito e ansiani i ze drio giutar i fradei che i ze drio infrontar questa desgràssia a mantegner forte la so amicìssia con Geovà e anca a gaver quel che ghe ocore.

• Fradei e sorele che ghe ga tocà ndar via de casa i ze nele case dei fradei che i ze in posti pi sicuri del paese.

Intanto che no passa via questa inondassion, noantri preghemo che Geovà el seite a esser una ‘fortalessa in tempi de dificoltà’ par i nostri fradei e sorele nel Brasil. — Salmo 37:39.