Le Testimònie de Geovà le se riune due volte ala stimana in posti de adorassion che se ciama Saloni del Regno. Cossa che sucede ntele riunion? Parché l’è bon par ti ndar a queste riunion?

•  Cossa sucede nte un Salon del Regno?

•  Parché l’è bon ndar in queste riunion?

•  Cossa altri gióveni i dise

 Le persone le se riune ntel Salon del Regno col ogetivo prinsipal de imparar come che la Bìblia la pol giutarle in tute le ocasion. Ntele riunion, te pol imparar:

•   la verità sora Dio.

•   capir i motivi de quel che l’è drio suceder ntel mondo ancoi.

•   deventar una persona meio.

•    catar i meio amighi che se pol gaver.

 Saveito de questo? El posto ndove le Testimònie de Geovà se riune el se ciama Salon del Regno parché questo l’è un dei prinsipai assunti che se parla lì. — Mateo 6:9, 10; 24:14; Luca 4:43.

 Quel che te impari lì l’è ùtile par ti. I prinsipi dela Bìblia che i ze consideradi ntele riunion dele Testimònie de Geovà i va giutarte a gaver sabedoria. (Proverbi 4:5) Questo vol dir che la Bìblia la pol giutarte a far bone dessision ntela to vita. Anca la pol giutarte a catar le risposte ale domande pi importante dela vita, come:

•   Qual che l’è el ogetivo dela vita?

•   Sarà che el nostro sofrimento l’è colpa de Dio?

•   Cossa che sucede quando morimo?

 Questi i ze esempi dei discorsi che gavemo ntele riunion de finai de stimana:

•   Parché acetar la orientassion dela Bìblia?

•   Ndove catar aiuto in tempi de aflission?

•   Cossa el Regno de Dio l’è drio far par noantri adesso?

 “Un giorno un colega dela scola l’è ndato a una riunion. El se ga sentà darente dela me fameia e el ga acompagnà la riunion ntei nostri libri. Dopo el me ga dito che l’è stà maraveià coi comentari che le persone ga fato ntela riunion, e anca el me ga dito che ntela so ciesa no i ga materiai de stùdio come noantri.” — Brenda.

 Saveito de questo? No se tol su limòsina nel Salon del Regno.

 Le persone va assarte animà. La Bìblia la dise che un dei motivi dei cristiani riunirse l’è par incoraiar un al altro. (Ebrei 10:24, 25) Nte un mondo in che le persone pensa sol in lore stesse, l’è tanto bon de star insieme con persone che mete la volontà de Dio e quele dei altri avanti dele sue.

 “Stesso che mi sìpia straca de un longo giorno de laoro, le persone ntel Salon del Regno le me fà sentirme meio. Dopo dela riunion, mi ritorno casa contenta e pareciada par infrontar le dificoltà de colaltro giorno.” — Elisa.

 Saveito de questo? Ghen’è de pi de 120 mila congregassion dele Testimònie de Geovà che le se riune in de pi de 60 mila Saloni del Regno in tuto el mondo. I ze fati su intorno de 1500 Saloni de Regno tuti i ani par ricever cada volta de pi persone. a