Dio el scolta le orassion de persone che ghe domanda robe de acordo cola so volontà. Anca se no te ghè mai fato una orassion, pol esser che te gàpia voia de farla dopo de leder nela Bìblia sora persone che le ga pregà a Dio par aiuto. Varda questi esémpi:

•   ‘Giùtame, ò Geovà, me Dio. Salvame par via del to amor leal.’ — Salmo 109:26.

•   ‘Mi son avelio e poareto. Ò Dio, fà presto giutarme.’ — Salmo 70:5.

 Quel che el ga scrito queste parole el gavea una forte fede in Dio. E Dio el scolta anca a tuti quei che i vol far quel che l’è giusto, come quei che i ga el “cuor pien de tristessa” o quei “desanimadi”. — Salmo 34:18.

 No stà pensar che Dio l’è massa distante e che no’l se preocupa con quel che te infronti. La Bìblia la dise che ‘anca se Geovà l’è tanto poderoso, lu el varda i ùmili. Ma quel che l’è orgolioso, lu lo cognosse sol de distante’. (Salmo 138:6) Una volta, Gesù el ga dito a so dissìpoli: “Ma fin tuti i cavei dela vostra testa i ze contadi.” (Mateo 10:30) Dio el cognosse tante robe sora ti, che gnanca ti no te sè. Alora, sicuro che lu el ndarà scoltar le to orassion quando te sì drio tribolar! — 1 Piero 5:7.