STÀ ATENTO!
Cossa ga sucedesto col comportamento dele persone? — Cossa la Bìblia la dise?
Ancoi l’è tanto comun veder situassion cossita: passienti che i osa drio ai dotori, persone che no le ga rispeto a quei che i serve le tole nei restauranti, persone nei avioni che no le obedisse a gnanca una règola e ghe dise su a quei che i laora nel avion, toseti che i tol in giro, i trata mal e i ghe dise su ai maestri e polìtichi che i fà robe brute e altri polìtichi che i se sforsa par provar che i ze bona gente.
La Bìblia la ne dise come podemo comportarse ben e anca parché che ancoi no l’è pi come sti ani. E podemo fidarse in quel che la dise.
Cossa ga sucedesto cole persone?
Le persone no le se comporta pi de maniera bona, giusta e che tuti ghe piase.
Nei Stati Unidi i ga fato una peschisa e i ga visto che, nei ùltimi 22 ani, le persone le ze ndate de mal a pedo. Ghen’è poche brave persone.
I ga fato nantra peschisa con de pi de 32 mila persone in 28 paesi. De queste, 65% le ga dito che no le ga mai visto le persone comportarse cossita.
La Bìblia belche la disea come che le persone le saria nei nostri giorni.
“Nei ùltimi giorni ghen sarà tempi crìtichi, difìcili de soportar. Parché le persone le amarà sol lore stesse, le amarà i soldi, le sarà orgoliose, arogante, bestemadore, desobediente ai genitori, ingrate . . . sensa afeto natural, crudele.” — 2 Timòteo 3:1-3.
Par saver de pi come che questa professia la ze drio suceder nei nostri giorni, ledi el artìcolo in portoghese “Será que a Bíblia já falava como as pessoas iriam pensar e agir hoje?”
Ndove catar boni consili sora comportamento?
Anca se ghen’è poche brave persone nel mondo, tanti i ga capio che la Bìblia la ne giuta a saver come comportarse ben. I consili dela Bìblia sora quel che l’è giusto e sbalià ‘i ze de fidarse adesso e par sempre’. (Salmo 111:8) Varda arquanti esempi:
Consìlio dela Bìblia: “Tute le cose che volé che i òmini ve fae a valtri, anca valtri gavé de farghe dela medèsima maniera a lori.” — Mateo 7:12.
Cossa vol dir: Ghemo de tratar i altri dela stessa maniera che volemo esser tratadi, o sia, con bontà e rispeto.
Consìlio dela Bìblia: “Adesso che gavé cavà via de valtri la falsità, gavé de dir la verità ale persone.” — Efesi 4:25.
Cossa vol dir: Ghemo de esser onesti in tuto quel che disemo e femo.
Par saver de pi, ledi:
La Sentinela in portoghese col tìtolo “Como saber o que é certo e errado?”
El artìcolo “Tolerância — O que a Bíblia diz?”