Ee. Mudzimu u na ndavha na vhashumeli vhane vha khou lwala. Bivhili i amba zwi tevhelaho nga ha mushumeli a fhulufhedzeaho, i ri: “Yehova u ḓo mu ṱhogomela musi e mmbeteni wawe a tshi khou lwala.” (Phisalema 41:3) Arali ni na vhulwadze vhu sa fholi, ni nga thuswa nga zwithu zwiraru zwi tevhelaho:

1.   Humbelani maanḓa a u konḓelela. ‘Mudzimu u ḓo ni ṋea mulalo une vhathu vha si kone u u pfesesa,’ une wa ḓo ita uri ni si vhilaele nga ho kalulaho na u ni thusa u bvela phanḓa naho zwi tshi khou konḓa.​—Vhafilipi 4:6, 7.

2.   Ivhani na mavhonele avhuḓi. Bivhili i ri: “Mbilu yo takalaho ndi mushonga wavhuḓi, Fhedzi musi yo ṱungufhala zwi fhedza nungo.” (Mirero 17:22) Ḓiḓowedzeni u vhona zwithu zwavhuḓi kha vhuimo vhuṅwe na vhuṅwe, ngauri zwi ḓo ita uri ni takale nahone zwi nga thusa kha mutakalo waṋu.

3.   Ivhani na fhulufhelo ḽo khwaṱhaho kha vhumatshelo. U fhulufhela zwine na vha na vhuṱanzi nazwo zwi nga ni thusa u takala naho ni na vhulwadze vhu sa fholi. (Vharoma 12:12) Bivhili i amba nga ha tshifhinga tshine ha sa ḓo vha na “mudzulapo ane a ḓo ri: ‘Ndi a lwala.’” (Yesaya 33:24) Mudzimu u ḓo fhodza malwadze oṱhe ane vhorasaintsi vha kundelwa u a lafha. Sa tsumbo, Bivhili i amba uri vhaaluwa vha ḓo dovha vha vha vhaswa na u vha na mutakalo wavhuḓi, i ri: “Ndi hone muvhili wawe u tshi ḓo dovha wa vha muswa; A vha na maanḓa u fana na musi a tshee muswa.”​—Yobo 33:25.

 Ṱhogomelani: Naho Ṱhanzi dza Yehova vha tshi ḓitika nga Mudzimu uri a vha khuthadze, vha a ṱoḓa ngalafho arali vha na vhulwadze vhu sa fholi. (Marko 2:17) Fhedzi a ri vhudzi muthu uri u tea u lafhiwa nga nḓila-ḓe, muṅwe na muṅwe u tea u ḓiitela phetho yawe.