Diabolo ndi muthu a sa vhonali, u na muvhili une ra si kone u u vhona.—Vhaefesa 6:11, 12.

 Vhaoli vhanzhi vha tshi ola Diabolo vha mu ola e mbudzi i re na maṋanga, mutshila na forogo. Vhaṅwe vha tenda uri zwenezwi zwifanyiso zwa Diabolo zwo thoma u oliwa nga vhaoli vho tshilaho miṅwahani i fhiraho 1 000 yo fhiraho. Nahone vhenevha vhaoli vha nga vha vho ṱuṱuwedzwa nga ngano dze vha dzi pfa.

•  Diabolo u ṱaluswa hani Bivhilini?

•  Ndimana dza Bivhili dzi ambaho nga ha Diabolo

 Diabolo u ṱaluswa nga nḓila dzo fhambanaho Bivhilini. Zwi ri thusa u pfesesa zwine a vha zwone, hu si mbonalo yawe. U ṱaluswa sa:

•   Muruṅwa wa tshedza. U ḓiita u nga a nga ṋea vhathu zwithu zwa khwine nga u ita uri vha tevhedze zwine a funza nṱhani ha zwine zwa funzwa nga Mudzimu.—2 Vhakorinta 11:14.

•   Ndau i vhombaho. U ṱhasela vhashumeli vha Mudzimu nga vhuhali.—1 Petro 5:8.

•   Ḽigweṋa ḽihulu. U a ofhisa, u na maanḓa nahone u a tshinyadza vhukuma.—Nzumbululo 12:9.