“See the Good Land” ndi bugu i sumbedzaho mashango o ambiwaho Bivhilini ine na nga i shumisa uri ni vhuyelwe nga ho engedzeaho musi ni tshi guda Bivhili. Bivhili i amba nga ha fhethu, miḓi na mashango. U shumisa yeneyi bugu zwi nga ni thusa uri zwine na zwi vhala na u zwi guda Bivhilini zwi tshile. Yeneyi bugu i ḓo ni thusa uri ni vhone fhethu he zwithu zwo ambiwaho Bivhilini zwa itea hone. Musi ni tshi pfesesa vhupo ha ḽeneḽo shango, zwi ḓo ni thusa u pfesesa khwine zwiitea zwi re Bivhilini.

“See the Good Land” i na mimapa ya mivhala-vhala na tshati dzi sumbedzaho fhethu ho fhambananaho ho ambiwaho Bivhilini. Heyi bugu i na zwifanyiso zwinzhi u katela na zwo itwaho nga khomphyutha na zwiṅwe zwithu zwinzhi zwine zwa ḓo ni thusa musi ni tshi khou guda.

Heyi bugu i sumbedzaho mashango o ambiwaho Bivhilini i ḓo ni thusa uri ni

• pfesese he Abrahamu, Isaka na Yakobo vha tshimbila hone

• vhone nḓila ye Vhaisiraele vha i fara musi vha tshi bva Egipita vha tshi ya Shangoni Ḽo Fhulufhedziswaho

• vhambedze he Vhaisiraele vha vha vha tshi dzula hone na he ha vha hu tshi dzula maswina avho

• vhone he Yesu a tshimbila hone musi e vhuḓinḓani hawe

• vhone uri mivhuso yo ambiwaho Bivhilini i katelaho Babele, Gerika na Roma yo vha yo hula lungafhani

Ni nga wana bugu i sumbedzaho mashango a re Bivhilini kha inthanethe kha Watchtower ḼAIBURARI KHA INTHANETHE.