“Hu takala vhane vha pfa ipfi ḽa Mudzimu, vha tevhedza zwine ḽa amba!”​—Luka 11:28, Bivhili ya Ṱhalutshedzelo Ya Shango Ḽiswa.

Hu ḓo vha na lufuno muṱani.​—Vhaefesa 5:28, 29.

Ni ḓo ṱhonifhana.​—Vhaefesa 5:33.

Ni ḓo nambatelana sa muṱa.​—Marko 10:6-9.

Ee, ri nga tenda nga nṱhani ha zwiitisi zwivhili:

• Mudzimu ndi ene Muthomi wa muṱa. Yehova Mudzimu ndi ene ane Bivhili ya amba uri “miṱa yoṱhe i . . . vhidzwa nga dzina ḽawe.” (Vhaefesa 3:14, 15) Nga maṅwe maipfi, ndugiselelo ya muṱa yo thomiwa nga Yehova. Ndi ngani zwi zwa ndeme u ḓivha zwenezwo?

  Ṱhogomelani: Arali ni tshi khou ḽa zwiḽiwa zwi ḓifhaho nahone ni tshi ṱoḓa u ḓivha uri zwo bikiswa hani, no vha ni tshi ḓo vhudzisa nnyi? Zwi tou pfala uri ni ḓo vhudzisa muthu we a zwi bika.

  Nga hu fanaho, u itela uri ri ḓivhe nḓila ya u wana dakalo muṱani, ri tea u vhudzisa Yehova, Muthomi wa muṱa.​—Genesi 2:18-24.

• Mudzimu u na ndavha na inwi. Ndi vhuṱali uri miṱa i ṱoḓe nyeletshedzo ya Yehova kha Ipfi ḽawe. Ndi ngani? “Ngauri u na ndavha na inwi.” (1 Petro 5:6, 7) Yehova u ni tamela zwivhuya nahone nyeletshedzo yawe i a shuma tshifhinga tshoṱhe!​—Mirero 3:5, 6; Yesaya 48:17, 18.