Hai. Ṱhanzi dza Yehova a vha lwisani na u haeliwa. Ri dzhia u haeliwa i phetho ine Mukriste muṅwe na muṅwe anga tou ḓiitela. Vhunzhi ha Ṱhanzi dza Yehova vho nanga u haeliwa.

 Ri a ṱoḓa ngalafho ya khwiṋe nahone ri a dzhiela nṱha zwe zwa swikelelwa nga vhorasaintsi vha zwa ngalafho, kha u fhungudza malwadze a dinaho. Ri a livhuwa u ḓiimisela na u shuma nga maanda ha vha zwa mutakalo, zwihuluhulu musi hu tshifhinga tsha dziedzi.

 Ṱhanzi dza Yehova vha a shumisana na vhashumeli vha zwa mutakalo vha muvhuso. Sa tsumbo, musi dziedzi ḽa corona ḽi tshi vha hone, Ṱhanzi dza Yehova vho humbudza vhathu na u vha ṱuṱuwedza uri vha bvele phanḓa vha tshi tevhela vhulivhisi ha u ḓitsireledza fhethu hune vha dzula hone. Vho zwi ita nga nyambo nnzhi kha yeneyi website. Zwenezwo zwo katela ndeme ya u ima kule na kule, u tevhedza milayo ya u kuvhangana fhethu ha vho muthumunzhi, u ḓivalela, u ṱamba zwanḓa, u ambara masiki na zwiṅwe-vho zwe muvhuso wa vha u tshi ṱoḓa uri ri zwi tevhedze.—Vharoma 13:1, 2.

 Lwa miṅwaha minzhi khandiso dza Ṱhanzi dza Yehova dzo ṱuṱuwedza zwithu zwi tevhelaho:

•   Mafhungo a zwa ngalafho ndi phetho ya muthu nga eṱhe.—Vhagalata 6:5.

   “[Hoyu magazini] a u ṱuṱuwedzi kana u amba uri muthu u tea u shumisa dzilafho ḽifhio. U amba nga ha nḓila ine zwithu zwa vha ngayo nahone wa tendela muvhali a tshi dzhia phetho yawe.”—Awake!, February 8, 1987.

   “Zwa uri inwi na vhana vhaṋu ni tea u haeliwa ndi phetho yaṋu.”—Awake!, August 22, 1965.

•   Ri ṱoḓa dzilafho nga uri ri dzhiela nṱha vhutshilo.—Mishumo 17:28.

   “Ṱhanzi dza Yehova vha a ya kha vhaḓivhi vha zwa ngalafho uri vha vha thuse musi vha tshi khou lwala. Vha a funa vhutshilo nahone vha ita zwiṅwe na zwiṅwe zwine zwa tendelana na Maṅwalo uri vha tshile tshifhinga tshilapfu.”—The Watchtower, July 1, 1975.

   “Ṱhanzi dza Yehova vha a ṱanganedza mishonga u katela na zwa ngalafho. Vha ṱoḓa u dzula vha na mutakalo wavhuḓi u itela uri vha lalame. U fana na Luka wa mukriste wa ḓanani ḽa u thoma, vhaṅwe Ṱhanzi dza Yehova ndi madokotela. . . . Ṱhanzi dza Yehova vha a livhuwa vhenevho vhashumi vha biko vhane vha shuma vho ḓiṋekedzela vha tshi itela mutakalo washu. Ri a livhuwa vhenevho madokotela vha tshi ri thusa u itela uri ri vhe khwiṋe.”—The Watchtower, February 1, 2011.