Osimbu Yesu a kala palo posi, wa lekisa ocisola cocili komanu, toke a pitĩla petosi lioku eca omuenyo waye oco a va yovole. (Mateo 20:28; Yoano 15:13) Ndopo eye o ka lekisa vali ocisola caye komanu, poku talavaya lunene waye woku kala Osoma Yusoma wa Suku oco a nene “esulilo liovoyaki kilu lieve liosi.” —Osamo 46:9.

 Kũlĩhĩsa ndomo Embimbiliya li lekisa eci Yesu a ka linga:

•   “Eye o ka yovola ohukũi yina yi kaluka oku pinga ekuatiso kuenda o ka yovolavo osuke lomunu wosi ka kuete umue u kuatisa. Eye o ka kuatela ohenda osuke lohukũi, Kuenda o ka popela omuenyo wohukũi. Eye o ka va yovola kohali kuenda kungangala, Kuenje osonde yavo yi ka kuata esilivilo lialua kovaso aye.” —Osamo 72:12-14.

 Tu lekisa ndati okuti tua sanjukila ovina viosi Yesu a tu lingila kuenda evi a ka tu lingila? Kelivulu lia Luka ocipama 22:19, Yesu wa handeleka olondonge viaye oco vi ivaluke olofa viaye. Eli olio esunga lieci unyamo lunyamo Olombangi Via Yehova vi lingila pamosi ocipito colofa via Yesu. Tu ku laleka oku kala letu Kocipito Conjivaluko violofa via Yesu Calumingu 24 Yelombo, 2024.

Sanga ocitumãlo cimue ku ka lingiwila Ocipito Conjivaluko