Eci Yesu a kala palo posi, wa lekisa ocisola komanu, ca piãla enene kolohukũi kuenda vana va tala ohali. (Mateo 9:36) Handi vali, wa eca omuenyo waye oco a kuatise vakuavo. (Mateo 20:28; Yoano 15:13) Ndopo muẽle, o ka lekisa vali ocisola caye komanu poku talavaya lunene waye Ndosoma Yusoma wa Suku, oco a maleko uhukũi voluali luosi.

 Volondaka viwa, Embimbiliya li situlula eci eye a ka linga:

•   “A teyuile osuke pokati komanu, a popele omãla vohukũi.”—Osamo 72:4.

 Tu lekisa ndati olopandu kovina viosi Yesu a tu lingila, levi a ka tu lingila kovaso yoloneke? Kolondaka vi sangiwa kelivulu lia Luka 22:19, Yesu wa sapuila olondonge viaye oco vi ivaluke olofa viaye. Eli olio esunga lieci unyamo lunyamo, Olombangi Via Yehova via siatela oku liongoluila pamosi oco vi linge ocipito caco. Tu ku laleka oku likongela kokuetu oco tu linge Ocipito Conjivaluko Yolofa via Yesu Vocalumingu, keteke 24 Yelombo, 2024.

Sanga Ocitumãlo ku ka Lingiwila Ocipito Conjivaluko