Keteke 4 Yenyenye Linene yunyamo wo 2020 Ombonge Yocivanja co Kursk yi ka nõlapo nda manji Dennis Christensen o ka upiwa vokayike ale sio. Eye o kasi vokayike tunde keteke 25 ya Kupemba yunyamo wo 2017. Keteke 23 Yevambi yunyamo wo 2020, Ombonge Yoluvumba luo Lgov ya pongolola onepa yekangiso yanyamo epandu yumandekua ya manji Christensen oco a fete 400.000 rublos (ci panda $5.300 kolondolale). Pole, eci pa pita oloneke vivali tunde eci kua nõliwa onjila yaco, onganji yimue ya lekisa ocicapa cimue ca tateka okuti manji Christensen o tunda vokayike osimbu otembo yaco ka yepitĩlilepo.