يە‌ھۋا گۇ‌ۋاھچىلىرى مۇ‌قە‌ددە‌س كىتابتىكى قانۇ‌ن ۋە قائىدە-‏پرىنسىپلار بويىچە ياشاشنىڭ خۇ‌دانى خۇ‌رسە‌ن قىلىدىغانلىقىغا ۋە ئۆزلىرى ئۈچۈنمۇ پايدىلىق ئىكە‌نلىكىگە ئىشىنىدۇ (‏يە‌شايا 48:‏17،‏ 18‏)‏.‏ بىز بۇ قائىدە-‏پرىنسىپلار ۋە قانۇ‌نلارنى ئويلاپ تاپمىدۇ‌ق،‏ ئە‌مما ئۇ‌لارغا ماس ھايات كە‌چۈرۈمىز.‏ ھازىر قىز-‏يىگىتلە‌رنىڭ ئۇ‌چرىشىشىلىرىغا مۇ‌ناسىۋە‌تلىك قائىدىلە‌رگە قاراپ چىقايلى.‏ a

•   نىكاھ —‏ ئۆمۈرلۈك بىرلىشىش (‏مە‌تتا 19:‏6‏)‏.‏ يە‌ھۋا گۇ‌ۋاھچىلىرى قىز-‏يىگىتلە‌ر ئۇ‌چرىشىشلىرىنى نىكاھقا ئېلىپ بارىدىغان قە‌دە‌م دە‌پ قارىغاچ،‏ ئۇ‌لارغا ئە‌ستايىدىل مۇ‌ئامىلە قىلىدۇ.‏

•   قىز-‏يىگىتلە‌ر ئۇ‌چرىشىشى پە‌قە‌ت توي قىلىش يېشىغا يە‌تكە‌نلە‌ر ئۈچۈندۇ‌ر.‏ ئۇ‌لار «ياشلىق باھارىدىن ئۆتۈپ كە‌تكە‌ن»،‏ يە‌نى جىنسىي ئارزۇ-‏ھە‌ۋە‌سلىرى كۈچلۈك دە‌ۋرى ئۆتۈپ كە‌تكە‌نلە‌ردۇ‌ر (‏كورىنتلىقلارغا 1-‏خە‌ت 7:‏36‏)‏.‏

•   ئۇ‌چرىشىشپ يۈرگە‌نلە‌ر چوقۇ‌م نىكاھتا بىرلىشىشكە ئە‌ركىن،‏ يە‌نى ھوقۇ‌قى بولغان بولۇ‌شى كېرە‌ك.‏ قانۇ‌ن بويىچە رە‌سمىي تۈردە ئاجرىشىپ كە‌تكە‌ن بە‌زىبىر ئادە‌ملە‌رنىڭ خۇ‌دانىڭ كۆزقارىشى بويىچە نىكاھ‌لىشىش ئە‌ركىنلىكى ياكى ھوقۇ‌قى مۇ‌مكىن،‏ چۈنكى خۇ‌دانىڭ نە‌زىرىدە نىكاھتىن ئاجرىشىپ كېتىشنىڭ بىرىدىن-‏بىر سە‌ۋە‌بى جىنسىي ئە‌خلاقسىزلىقتۇ‌ر (‏مە‌تتا 19:‏19‏)‏.‏

•   خۇ‌دانىڭ تە‌لىۋى بويىچە،‏ توي قىلىشنى قارار قىلغان مە‌سىھ ئە‌گە‌شكۈچىلىرى ئۆمۈرلۈك ھە‌مراھىنى پە‌قە‌ت ئېتىقادداشلارنىڭ ئارىسىدىن ئىزدىشى كېرە‌ك (‏كورىنتلىقلارغا 1-‏خە‌ت 7:‏39‏)‏.‏ مۇ‌شۇ بۇ‌يرۇ‌ققا نىسبە‌تە‌ن،‏ بىز پە‌قە‌ت دىنىي كۆزقارىشىمىزنى ھۆرمە‌تلە‌پلا قويماي،‏ بۇ كۆزقاراشقا مۇ‌ۋاپىق ياشايدىغان ۋە سۇ‌غا چۆمۈلدۈرۈلۈشتىن ئۆتكە‌ن يە‌ھۋا گۇ‌ۋاھچىسى بىلە‌ن نىكاھ قۇ‌رىمىز (‏كورىنتلىقلارغا 2-‏خە‌ت 6:‏14‏)‏.‏ خۇ‌دا ھە‌رقاچان ئۆز خىزمە‌تچىلىرىگە پە‌قە‌ت ئېتىقادداشلار بىلە‌نلا نىكاھتا باش قوشۇ‌شنى بۇ‌يرىغان (‏يارىتىلىش 24:‏3؛‏ مالاكى 2:‏11‏)‏.‏ زامانىۋىي تە‌تقىقلار بۇ بۇ‌يرۇ‌قنىڭ بۈگۈنكى كۈندىمۇ زۆرۈرلىكىنى كۆرسىتپ بېرىۋاتىدۇ b‏.‏

•   بالىلار ئاتا-‏ئانىلىرىغا بويسۇ‌نۇ‌شى كېرە‌ك (‏پە‌ندى-‏نە‌سىھە‌ت 1:‏8؛‏ كولوسىلىقلارغا 3:‏20‏)‏.‏ ئاتا-‏ئانىسى بىلە‌ن ياشاۋاتقان بالىلار قىز-‏يىگىتلە‌رنىڭ ئۇ‌چرىشىشىغا نىسبە‌تە‌ن ئاتا-‏ئانىلىرى چىقارغان قارارلار بوىيچە ئىش-‏ھە‌رىكە‌ت قىلىشى لازىم.‏ مە‌سىلە‌ن،‏ ئاتا-‏ئانىسى بالىلىرىغا قانچە ياشتىن باشلاپ ئۇ‌چرىشىششقا چىقالايدىغانلىقى ۋە قە‌يە‌رگە بارىدۇ-‏بارمايدۇ ياكى نېمە قىلسا بولىدىغان-‏بولمايدىغانلىقىنى ئېيتالايدۇ.‏

•   مۇ‌قە‌ددە‌س كىتابتىكى كۆرسە‌تمىلە‌رنى نە‌زە‌ردە تۇ‌تۇ‌پ،‏ گۇ‌ۋاھچىلار ئۇ‌چرىشىشىقا چىقىش-‏چىقامسلىق ياكى كىم بىلە‌ن ئۇ‌چرىشىشىنى ئۆزلىرى قارار قىلىدۇ.‏ بۇ «ھە‌ركىم ئۆز يۈكىنى كۆتىرىدۇ»،‏ يە‌نى ھە‌ربىر ئادە‌م ئۆزىنىڭ ئىشىغا ئۆزى مە‌سئۇ‌ل،‏ دېگە‌ن پرىنسىپقا مۇ‌ۋاپىقتۇ‌ر (‏گالاتىلىقلارغا 6:‏5‏)‏.‏ شۇ‌نداقتىمۇ،‏ قىز-‏يىگىتلە‌رنىڭ ئۇ‌چرىشىشى ھە‌ققىدە گە‌پ بولغاندا،‏ كۆپىنچىسى ئۆزلىرى ئۈچۈن سە‌مىمىي كۆڭۈل بۆلىدىغان روھىي جە‌ھە‌تتىن يېتىلگە‌ن گۇ‌ۋاھچىلارنىڭ مە‌سلىھە‌تلىرىگە قۇ‌لاق سالىدۇ (‏پە‌ندى-‏نە‌سىھە‌ت 1:‏5‏)‏.‏

•   قىز-‏يىگىتلار ئۇ‌چرىشىشىپ يۈرگە‌ن ۋاقتىدىكى كۆپىنچە ئىش-‏ھە‌رىكە‌تلە‌ر ئە‌مە‌لىيە‌تتە ئېغىر گۇ‌ناھ سانىلىدۇ.‏ مە‌سىلە‌ن،‏ مۇ‌قە‌ددە‌س كىتابتا جىنسىي ئە‌خلاقسىزلىقتىن قېچىش كېرە‌ك،‏ دە‌پ ئېيتىلغان.‏ بۇ پە‌قە‌ت جىنسىي ئالاقىنىلا ئە‌مە‌س،‏ يە‌نە نىكاھ قۇ‌رمىغان ئادە‌ملە‌ر ئارىسىدا يۈز بېرىشى مۇ‌مكىن بولغان ناپاك ئىشلارنى،‏ مە‌سىلە‌ن،‏ باشقا ئادە‌منىڭ جىنسىي ئە‌زالىرىنى سىلاش ياكى ئېغىز بوشلۇ‌قى ياكى مە‌قئە‌ت يولى ئارقىلىق جىنسىي ئالاقە قىلىشنى بىلدۈرىدۇ (‏كورىنتلىقلارغا 1-‏خە‌ت 6:‏9—‏11‏)‏.‏ ھە‌تتا،‏ توي قىلىشتىن بۇ‌رۇ‌ن،‏ ئۆزئارا جىنسىي ھە‌ۋە‌سىنى قوزغايدىغان ئىش-‏ھە‌رىكە‌تلە‌ردە بولۇ‌ش خۇ‌دانىڭ نە‌زىرىدە «ناپاكلىققا» ياتىدۇ ۋە ئۇ‌نى رە‌نجىتىدۇ (‏گالاتىلىقلارغا 5:‏19—‏21‏)‏.‏ ئۇ‌نىڭدىن باشقا،‏ مۇ‌قە‌ددە‌س كىتاب ھە‌رقانداق ئە‌خلاقسىز مە‌زمۇ‌ندىكى «تېتىقسىز گە‌پلە‌رمۇ» ئە‌يىبلە‌نگە‌ن (‏كولوسىلىقلارغا 3:‏8‏)‏.‏

•   قە‌لبىمىز،‏ يە‌نى ئىچكى تە‌بىئىتىمىز،‏ ئالدامچى (‏يە‌رە‌مىيا 17:‏9‏)‏.‏ ئۇ ئادە‌منى يامان ھە‌رىكە‌تلە‌رنى بىلىپ تۇ‌رۇ‌پ قىلىشقا ئازدۇ‌رىدۇ.‏ ئۇ‌چرىشىۋاتقان قىز-‏يىگىتلە‌ر مۇ‌شۇ‌نىڭغا يول بە‌رمە‌سلىكى ئۈچۈن،‏ ئە‌خلاقسىزلىق قىلىپ قويۇ‌شقا يول ئاچىدىغان ۋە‌زىيە‌تلە‌ردىن قېچىشقا تىرىشىشى كېرە‌ك.‏ ئۇ‌لار ئە‌خلاق ئۆلچە‌ملىرى يۇ‌قىرى ئادە‌ملە‌رنىڭ ئارىسىدا ۋاقىت ئۆتكۈزۈشنى ياكى ئۆزلىرى بىلە‌ن بىللە يۈرۈشكە ئۈچىنچى ئادە‌منى چاقىرىۋېلىشنى قارار قىلىپ،‏ ئە‌قىلانە چارىلارنى كۆرسە بولىدۇ (‏پە‌ندى-‏نە‌سىھە‌ت 28:‏26‏)‏.‏ ئۆمۈرلۈك ھە‌مراھىنى ئىزدە‌ۋاتقان نىكاھ قۇ‌رمىغان مە‌سىھ ئە‌گە‌شكۈچىلىرى ئىنتېرنېت تورى ئارقىلىق تونۇ‌شۇ‌شنىڭ،‏ بولۇ‌پمۇ ياخشى تونۇ‌مايدىغان ئادە‌م بىلە‌ن دوستلىشىشنىڭ خە‌تە‌رلىك ئىكە‌نلىكىنى چۈشىنىدۇ (‏زە‌بۇ‌ر 26:‏4‏)‏.‏