يەھۋا گۇۋاھچىلىرى ئاجرىشىشقا قانداق قارايدۇ؟
بىزنىڭ نىكاھقا ھەم ئاجرىشىشقا بولغان كۆزقارىشىمىز مۇقەددەس كىتابقا ئاساسلانغان. خۇدانىڭ ئىرادىسى بويىچە ئەر-ئايالنىڭ نىكاھتا بىرلىشىشى مەڭگۈلۈك بولۇشى كېرەك. مۇقەددەس كىتابقا ئاساسلانغاندا، ئاجرىشىشقا بىرلا سەۋەب بار. بۇ — جىنسىي ئەخلاقسىزلىق يەنى زىنادۇر. (مەتتا 19:5، 6، 9).
يەھۋا گۇۋاھچىلىرى ئەر-ئايالنىڭ نىكاھىدا قىيىنچىلىقلار پەيدا بولغاندا ياردەم بېرەمدۇ؟
ھەئە، بۇنىڭ بىرنەچچە ئۇسۇلى بار:
ماتېرىياللار. دائىم نەشىر قىلىنىۋاتقان مەلۇماتلار ھەتتا بۇزۇلاي-بۇزۇلاي دېگەن نىكاھنى مۇستەھكەملەشكە ياردەم بېرەلەيدۇ. مەسىلەن، «نىكاھتا ۋاپادار بولۇڭ» (باشقا تىل)، «كەچۈرۈشنى قانداق ئۆگىنىشكە بولىدۇ؟» (باشقا تىل) ۋە «بىر-بىرىڭلارغا بۇرۇنقىدەك ئىشىنىشكە نېمە ياردەم بېرىدۇ؟» (باشقا تىل) ناملىق ماقالىلەرگە قاراڭ.
يىغىلىشلار. بىز يىغىلىشلىرىمىزدا ھەم چوڭ يىغىلىشلىرىمىزدا نىكاھقا مۇناسىۋەتلىك مۇقەددەس كىتابتىكى ئەمەلىي مەسلىھەتلەرنى مۇھاكىمە قىلىمىز.
ئاقساقاللار. جامائەت ئاقساقاللىرى ئەر-ئايالنىڭ ھەربىرىگە شەخسەن كۆڭۈل بۆلۈپ، ئۇلارنى ئەفەسلىكلەرگە 5:22—25-ئايەتلەردىكى نەسىھەتلەرگە قۇلاق سېلىشقا دەۋەت قىلىدۇ ۋە ياردەم بېرىدۇ.
ئەگەر يەھۋا گۇۋاھچىسى ئاجراشماقچى بولسا، جامائەتتىكى ئاقساقاللاردىن رۇخسەت ئېلىشى كېرەكمۇ؟
ياق. ھەتتا ئەر-ئايال نىكاھىدىكى قىيىنچىلىقلىرى ئۈچۈن ياردەم سورىسىمۇ، جامائەت ئاقساقاللىرىنىڭ ئۇلارغا نېمە قىلىش كېرەكلىكىنى ئېيتىشقا ھوقۇقى يوق (گالاتىلىقلارغا 6:5). بىراق، بىرسى مۇقەددەس كىتابتا تىلغا ئېلىنمىغان سەۋەب بىلەن ئاجرىشىشنى قارار قىلسا، ئۇنىڭ باشقا بىرسى بىلەن توي قىلىشىغا مۇقەددەس كىتابتا ھېقچانداق ئاساس يوق (تىموتىيغا 1-خەت 3:1، 5، 12).
يەھۋا گۇۋاھچىلىرى ئايرىم تۇرۇشقا قانداق قارايدۇ؟
ھەتتا ئەر-ئايال قىيىن ئەھۋالدا بولسىمۇ، مۇقەددەس كىتابتا بىللە ياشاشقا مەسلىھەت بېرىلىدۇ (كورىنتلىقلارغا 1-خەت 7:10—16). چىن كۆڭۈلدىن دۇئا قىلىش، مۇقەددەس كىتابتىكى پرىنسىپلارنى قوللىنىش ۋە مېھىر-مۇھەببەتنى كۆرسىتىش ئارقىلىق كۆپلىگەن مەسىلىلەرنى ھەل قىلىشقا بولىدۇ (كورىنتلىقلارغا 1-خەت 13:4—8؛ گالاتىلىقلارغا 5:22).
ئەمما بەزى مەسىھ ئەگەشكۈچىلىرى تۆۋەندە كەلتۈرۈلگەن قىيىن ۋەزىيەتلەردە ئايرىم تۇرۇشنى قارار قىلىشى مۇمكىن:
ھەمرايى ئائىلىسىنى تەمىنلەشنى رەت قىلغاندا (تىموتىيغا 1-خەت 5:8).
ھەمرايى ھاياتىغا خەۋپ-خەتەر كەلتۈرگەندە (زەبۇر 11:5).
ھەمرايى ئىبادەت قىلىشقا توسالغۇلۇق قىلغاندا. مەسىلەن، ئېرى ياكى ئايالى خۇدانىڭ قانۇنىنى بۇزۇشقا مەجبۇرلىشى مۇمكىن. ئۇ چاغدا، خەۋپ-خەتەر ئاستىدا بولغان ئەر ياكى ئايال «بىز ئىنسانغا ئەمەس، خۇداغا بويسۇنۇشىمىز كېرەك»، دېگەن سۆزلەرگە قۇلاق سېلىشنى قارار قىلىشى مۇمكىن (ئەلچىلەر 5:29).
بۇلارغىمۇ قىزىقىشىڭىز مۇمكىن
ئائىلىڭىز بەخىتلىك بولالايدۇ
خۇدانىڭ مەسلىھەتلىرى ئائىلىدە بەخت-سائادەتكە ئېرىشىشكە ياردەم بېرىدۇ
ئىككى ئاددىي سوئالنى پايدىلىنىش سىزنىڭ ئائىلىڭىزنى ياخشىلىتىشقا ياردەم بېرىدۇ
كۆپ سورالغان سوئاللار
يەھۋا گۇۋاھچىلىرى ئائىلىلەرنى بۇزامدۇ ياكى مۇستەھكەملەمدۇ؟
بەزىدە يەھۋا گۇۋاھچىلىرىنى ئائىلىلەرنى بۇزىدۇ، دەپ ئەيىبلەيدۇ. بىراق، راستىنلا شۇنداقمۇ؟
مۇقەددەس كىتاب تەلىملىرى
سىناپ كۆرەي
تەلىم بەرگۈچى بىلەن مۇقەددەس يازمىلاردىن ھەقسىز بىلىم ئاشۇرۇڭ