Канадиниң Альберта өлкисидә яшайдиған Боб дегән бир киши шувурған чиққан соғ күни кичик жүк машинисини саатиға тәхминән 100 километр илдамлиқта жүргүзүп келиватқанда, арқа сол чеқи туюқсиз йерилип кетипту. Башта Боб немә болғанлиғини байқимай, давамлиқ өйигә қарап йәнә 5 километр йол тутуп маңған.

Боб кейин немә иш йүз бәргәнлигини Йәһва гувачилириниң йәрлик Ибадәт өйигә әвәтилгән хетидә ейтип бәрди. «Башқа бир машинида келиватқан бәш яш киши машинамни бойлап, өз машинисиниң әйнигини чүшәрди»,— дәп язди у. «Улар машинамниң чеқи йерилип кәткәнлигини ейтти. Биз йолниң четигә тохтидуқ вә улар маңа машининиң чеқини алмаштуруп беришни тәғдим қилди. Мениңдә бош чақ яки домкратниң бар-йоқлиғиниму билмидим. Мән мәҗруһ болғачқа, һарвумда йолниң четидә олтардим. Улар болса машининиң астиға кирип, бош чақни вә домкратни тепип, чақни алмаштуруп бәрди. Соғ шамал чиқип, қар үзимизгә уруп туратти. Улар таза кийимигә қаримастин, чақни алмаштуруп бәрди вә мән йолумни давамлаштуралидим. Бу ишни өзүм һәргиз қилалматтим».

«Маңа ярдәм бәргән бәш Йәһва гувачисиға бәк миннәтдармән. Улар районимиздики адәмләргә вәз қилиш үчүн йолға чиқипту. Улар пәқәт вәз қилипла жүрмәй, әмәлийәттиму меһрибанлиқ көрситиду. Бу яшлар болмиған болса, йүз бәргән мәсилини һәл қилиш мениң үчүн қийин һәм азаплиқ болатти. Ярдәм көрсәткини үчүн уларға миннәтдарлиғим чәксиз. Йолда шундақ яшларни Худаниң Өзи әвәткәнлигигә һеч гуманим йоқ!».