Малы ми улӥськомы?
Библиысь валэктон
Та юанэз пӧртэм сямен сётыны луэ, кылсярысь: «Малы мон улӥсько?», «Вань-а мынам улонам ужпумез?» Библия милемлы валэктэ: ми улӥськомы, Инмарен эшъяськон понна. Тани Библиысь куд-ог кулэ луись зэмлыкъёс.
Инмар — милям Кылдытӥсьмы. Библиын гожтэмын: «Со [Инмар] асьмемыз кылдытӥз, асьмеос — Солэн» (Псалтирь 99:3; Усьтӥськон 4:11).
Инмар вань кылдытэмъёссэ, озьы ик милемыз но, нимысьтыз ужпумен кылдытӥз (Исаия 45:18).
Инмар милемыз кылдытӥз «духовной кулэяськонъёсын», кытчы озьы ик пыре тодыны мылкыд, малы ми улӥськомы (Матфей 5:3, Выль дуннелэн берыктэмез). Но солэн потэ, та кулэяськонмы быдэстэмын мед луоз шуыса (Псалтирь 144:16).
Ми духовной кулэяськонъёсмес быдэсъяськомы, Инмарен эшъяськыса. Кин ке но малпаны быгатэ, Инмарен эшъяськыны уг луы шуыса. Озьы ке но Библия мылкыдмес ӝутэ: «Инмарлы матэ кариське, Со но тӥляд матады лыктоз» (Иаков 4:8; 2:23).
Инмарлэн эшез луон понна, милемлы улоно соя, мае со ми пумысен малпаз. Солэн малпанэз сярысь гожтэмын Екклесиастын 12:13: «Инмарлэсь кышка но Солэн курон-косонъёсызъя ул,— та бордын адямилэн вань улонэз возиське».
Инмарлэн ми пумысен малпанэз быдэсак быдэсмоз вуоно дыре, куке со вань курадӟонъёсты быдтоз но оскымон эшъёсызлы пырак улон кузьмалоз (Псалтирь 36:10, 11).