«Инмар соослэн син улысьтызы вань синкылизэс ӵушоз. Кулон уз ни луы, бӧрдон но, викышъян но, висён но уз ни луэ, уго мар вал азьвыл, ваньмыз со ортчиз-кошкиз» (Усьтӥськон 21:4, Библия удмурт кылын).

Пайдаё но шумпотон вайись уж (Исаия 65:21—23).

Висёнъёстэк, куректонъёстэк но курадӟонъёстэк улон (Исаия 25:8; 33:24).

Быронтэм шудо улон семьяен но эшъёсын ӵош (Псалтирь 36:11, 29).

Луоз. Эскеромы кык мугъёсты:

• Инмар быгатэ сётэм кылзэ быдэстыны. Библия Иегова Инмарез гинэ «Дунне Кутӥсь» шуыса нима, малы ке шуоно солэн кужымез быронтэм (Усьтӥськон 15:3). Соин ик со быгатэ улонэз умой пала воштон сярысь сётэм кылзэ быдэстыны. Библиын верамын, «Инмарлы номыр но луонтэмез ӧвӧл» шуыса (Матфей 19:26).

• Инмарлэн потэ сётэм кылзэ быдэстэмез. Кылсярысь, Иеговалэн туж потэ кулэм адямиосты улӟытэмез (Исаия 25:8).

  Со сяна, Библия возьматэ, Инмарлэн Пиез, Иисус Христос, адямиосты висёнъёслэсь бурмытъяз шуыса. Малы со озьы лэсьтылӥз? Малы ке шуоно солэн потэ вал соослы юрттэмез (Марк 1:40, 41). Кулэяськисьёслы юрттыса, Иисус быдэсак Атаезлэсь сямъёссэ возьматӥз (Иоанн 14:9).

  Оскыны луоз, Иеговалэн но Иисуслэн милемлы шудо улон кузьмамзы потэ шуыса! (Псалтирь 71:12—14; 144:16; 2 Пётр 3:9).