2-ТӤ УРОК

Библия азьланезлы оскон сётэ

ЛЭЗЁНО

Быдэс дуннеын адямиос шуг-секытъёсын пумисько, соин сэрен туж сюлмасько но куректо. Тӥляд но куке сыӵе шӧдонъёсты кылдылӥзы-а? Оло нош, тӥледыз кыӵе ке висён курадӟытэ яке тӥ куректӥськоды матысь адямиды кулэмен сэрен. Соку тӥ малпаськиды, луоз: «Улон куке умой луоз-а?» Со, мар вера Библия, милемлы оскон сётэ.

1. Кыӵе оскон сётэ Библия?

Библия валэктэ, малы сомында шуг-секытъёс. Озьы ик со вера, соос ӝоген бырозы шуыса. Библиысь кылсётонъёс «тӥледлы азьпал улон но оскиськон» сётыны быгато. (Лыдӟе Иеремиялэсь 29:11, 12.) Соос юртто милемлы оскыны, азьланяз ваньмыз умой луоз шуыса, но, шуг-секытъёс шоры учкытэк, шумпотыса улыны.

2. Мар верамын Библиын азьпал улон сярысь?

Библия вера, азьланяз «кулон уз ни луы, бӧрдон но, викышъян но, висён но уз ни луэ» шуыса. (Лыдӟе Усьтӥськонэз 21:4.) Уз луэ ни шуг-секытъёс, кудъёсыныз сэрен ми курадӟиськомы, кылсярысь, куанер улон, шонерлыктэм улон, висёнъёс но кулон. Библия кылзэ сётэ, адямиос рай музъем вылын пырак дауръёс ӵоже улыны быгатозы шуыса.

3. Кызьы осконэз будэтоно солы, мар верамын Библиын?

Тросэз адямиос мае ке умойзэ возьмало, но соос уг тодо, быдэсмоз-а со, уз-а. Нош со, мар верамын Библиын, одно ик быдэсмоз. «Священной Гожтэмъёсты эскерыса», ми быгатомы отысь кылсётонъёслы осконмес будэтыны (Апостолъёслэн ужъёссы 17:11). Библиез дышетыса, тӥ асьтэос адӟоды, луэ-а оскыны солы, мар отын верамын азьпал улон сярысь.

МУРГЕС ЭСКЕРЕ

Ойдолэ вераськомы со сярысь, кыӵе улон возьма адямиосты азьланяз, Библия верамъя. Озьы ик ми тодомы, кызьы оскон, кудзэ сётэ Библия, туннэ адямиослы юрттэ.

4. Библия вера, ми курадӟонъёстэк пырак дауръёс ӵоже уломы шуыса

Эскеромы улӥын сётэм Библиысь куд-ог кылсётонъёсты. Кудъёсыз тӥледлы тужгес но кельшо? Малы?

Лыдӟе Библиысь кылбуръёсты, кудъёсыз та кылсётонъёсын герӟаськемын, но малпаське:

Та кылбуръёс тӥледлы азьланезлы оскон сёто-а? Быгато-а соос оскон сётыны тӥляд семьядылы но эшъёстылы?

Пуктэ син азяды дуннеез, кытын...

НОКИН НО...	ВАНЬЗЫ...
уг куректы, уг пересьмы но уг кулы (Исаия 25:8).	шумпото, улӟем матысь адямиосынызы но ӵыжы-выжыосынызы пумиськизы шуыса (Иоанн 5:28, 29).
уг висьы яке сӧсыр ӧвӧл (Исаия 33:24; 35:5, 6).	шумпото, тазалыксы юн но кужымзы трос шуыса (Иов 33:25).
шонерлыктэм ужъёсын уг пумиськы (Исаия 32:16, 17).	ческыт сисько, умой коркаосын уло но шумпотыса ужало (Псалтирь 71:16; Исаия 65:21, 22).
ожъёсын сэрен уг курадӟы (Псалтирь 45:10).	мукетъёсыныз тупаса но каньыл сюлмын уло (Псалтирь 36:11).
секыт малпанъёсын но тодэ ваёнъёсын уг улы (Исаия 65:17).	шумпотыса пырак уло (Псалтирь 36:29).

5. Библиысь кылсётонъёс адямилэсь улонзэ умой пала вошто

Трос адямиос шуг-секытъёсын пумисько. Соин сэрен соос усем мылкыдын уло, оло нош, лекъяськыса но. Куд-огъёсыз вань улытозязы улонэз умой пала воштыны тыршо. Учке, кызьы Библиысь кылсётонъёс али ик ини юрттыны быгато. Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Мон шонерлыко улон понна нюръяськи» (4:07)

Маин пумиськиз Рафика пичи дырысеныз ик?
Кызьы Библия солы юрттӥз, югдур ӧз воштӥськы ке но?

Библиысь кылсётонъёс буйгато но шуг-секытъёсты вормыны юртто. Лыдӟе Мадёнъёсты 17:22 но Римъёслы 12:12, собере та юанъёслы валэктонъёс сётэ: