«Инмар соослэн син улысьтызы вань синкылизэс ӵушоз. Кулон уз ни луы, бӧрдон но, викышъян но, висён но уз ни луэ» (Усьтӥськон 21:4, Библия удмурт кылын).

Оскон, Инмар уг курадӟыты шуыса (Иаков 1:13).

Сюлмын каньыллык, куке тодӥськомы, Инмар сюлмаськеммес вала шуыса (Захария 2:8).

Юн оскиськон, курадӟонъёс бырозы шуыса (Псалтирь 36:9—11).

Луоз. Эскеромы кык мугъёсты:

• Инмар курадӟонъёсыз но шонерлыктэм ужъёсыз адӟемпотостэм каре. Мар шӧдӥз Иегова Инмар, куке солэсь калыксэ зол зӥбыса возизы? Библиын вераське: Инмар куректӥз, «ултӥясьёслэн... курадӟытэмзылы чидатэк ӝуштэмзэс-лулӟылӥськемзэс кылыкуз» (Судьяос 2:18).

  Инмарлы уг яра, куке одӥг адямиос мукетъёссэ зӥбыса возё. Библиын верамын: Инмарлы юрӟым пото киос, кудъёсыз «янгыштэм вирез кисьто» (Мадёнъёс 6:16, 17).

• Инмар котькудмы сярысь сюлмаське. Библиын верамын, вань адямиос «асьсэлэсь шуге-леке сюронзэс, куректон-кайгузэс» тодо шуыса. Нош ми огнамы кельтэмын ӧвӧл, Иегова но тодэ шуг-секытъёсмы сярысь (2 Паралипоменон 6:29, 30).

  Ӝоген Иегова аслаз Эксэйлыкезлэн юрттэменыз быдтоз курадӟонъёсты, кудъёсыныз котькудмы пумиськылӥськомы (Матфей 6:9, 10). Али ик Инмар жаляса буйгатэ ини соосыз, кин солы вазиське (Апостолъёслэн ужъёссы 17:27; 2 Коринфъёслы 1:3, 4).