Кем-херек үүлгедиишкиннери дээш база чөптүг эвес чорук дээш хинчектенири кайы хире бергезин Иисус билир турган. Улус ону меге буруудадып, хоойлуга удур эттеп-эриидеп, чөптүг эвес шиидип, хинчектеп шаажылаан. Ол буруу чок-даа болза, бодун хайыралавайн, «амы-тынының өртээ-биле хөй улусту хостап» алган (Матфей 20:28; Иоанн 15:13). Ол Бурганның Чагыргазының Хааны болгаш, удавас бүгү делегейде кем-херек үүлгедиишкининиң когун үзүп, чөптүг чорукту тургузар (Исайя 42:3).

 Иисус хөделип үнүптерге, делегейде байдал кандыг апаарын Библияда мынчаар бижээн:

•   «Ам бичии болгаш, бузуттуг кижи чок апаар, ооң турган черин көөрге, ол чиде берген болур. А биче сеткилдиг улус чер-чуртту салгап алгаш, чаагай чоруктуң элбээнге таалаар» (Ырлар 36:10, 11).

 Иисустуң биске кылган база кылыр шупту чүүлдери дээш өөрүп четтиргенивисти канчаар илередип болур бис? Лука 22:19-та Иисус эдерикчилеринге ооң өлүмүн сактып чоруурун чугаалаан. Ынчангаш Иегованың Херечилери чыл санында ооң өлүмүн сактыр дээш чыглып турар. Силерни 2024 чылда март 24-те, улуг-хүнде, Иисустуң өлүмүнүң Сактыышкын кежээзинче чалап тур бис.

Сактыышкын кежээзи каяа болурун тып алыңар