Помело дээрге ыяшта өзүп турар цитрус аймаанга хамааржыр улуг чигирзиг чимис-тир. Ол 10 метр бедиктен безин кээп дүшкеш, буступ чарлы бербес. Помелонуң карты чүге ындыг быжыг?

 Кичээнгейни салыңар. Эртемденнер мындыг чүүлдү эскерген, помелонуң кежиниң адаанда ак каъды губка ышкаш куйланчак шаараш үттерлиг болган. Чымчак чимизинге чоокшулаан тудум, шаараш үттер улуг-улуг, а оларның иштинде агаар азы суук чүүл бар. Кажан чимис баткаш, черге кээп дүжерге, ол суук чүүл сыртык ышкаш камгалап турар. Черге кээп дүшкеш, помелонуң кежи чыырылгаш, кадыг апаар. Ынчалдыр ол бодунга кандыг-даа хора чедирбейн, бүдүн-бүрүн артар.

 Эртемденнер помелонуң кежинге дөмейлеп, пенометалл деп быжыг материалды шенеп кылып турарлар. Мотоцикл шлемнерин оон-даа быжыг кылырынга, машиналарның айыыл чок чоруун бедидеринге база космоста станцияларны метеориттерден камгалаарынга ол материал дузалаар деп, эртемденнер быжыг бүзүреп турарлар.

 Чүү деп бодаар силер? Помелонуң кежиниң быжыг болганы эволюцияның түңнели бе азы ону мерген угаанныг Инженер чогаадып каан бе?