Ia hinaaro oe e haere i te tahi vahi aita oe i haere aˈenei, eaha ta oe e rave?

1. 1. E haere oe i tera vahi mai ta oe i faaoti.

2. 2. E pee oe ia vetahi ê, ma te tiaturi ua ite ratou i te eˈa.

3. 3. E pee oe i te hoê aratai papu, mai te hoê hohoˈa fenua aore ra te hoê hoa ta oe e tiaturi o tei ite i te eˈa.

Ia maiti tatou i te ravea matamua aore ra te piti, e tapae iho â tatou i te tahi vahi, e ere râ tera ta tatou i hinaaro. Ia maiti râ tatou i te toru o te ravea, e nehenehe tatou e tiaturi e tapae iho â tatou i te vahi ta tatou i hinaaro.

No te fanaˈo i te hoê a muri aˈe oaoa, tei te huru ïa o te aratairaa ta tatou e maiti no te rave i te mau faaotiraa.

E ohipa te rahiraa o ta tatou mau faaotiraa haihai aore ra rahi i nia i to tatou oraraa. E faaite teie mau faaotiraa eaha to tatou manaˈo no nia i te mea maitai e te mea ino. E ohipa te reira i nia ia tatou e te feia herehia e tatou. Ei hiˈoraa, e rave tatou i te mau faaotiraa no nia i:

• Te taotoraa i te hoê apiti e te faaipoiporaa

• Te haerea afaro, te ohipa e te moni

• Te aupururaa i te tamarii

• To tatou huru i nia ia vetahi ê

E nafea e papu ai ia oe e maoti ta oe mau faaotiraa e fanaˈo ai oe e to oe utuafare i te hoê oraraa oaoa?

Te uiraa e hiti mai: Eaha te tauturu mai ia rave i te faaotiraa no nia i te mea maitai e te mea ino?

E faataa teie vea no te aha e aratairaa papu te Bibilia e e nafea te reira e tauturu ai ia oe.