HAAPIIRAA 03
E tiaturi anei oe i te Bibilia?
Mea rahi te mau parau tohu e aˈoraa ta te Bibilia e horoa ra. Ia hiˈohia ˈtu mea anaanatae na oe te Bibilia. E manaˈo paha oe e e buka tahito teie a taiâ ˈtu ai i te tiaturi i te Bibilia. Tera râ, e mirioni taata tei tiaturi i te Bibilia. I roto i teie haapiiraa, na oe e hiˈopoa e tiaturi anei oe i te Bibilia aore ra aita.
1. Mea mau anei te mau aamu Bibilia?
Te faaite ra te Bibilia i te “mau parau papu o te parau mau.” (Koheleta 12:10) Te faatia ra te Bibilia i te mau tupuraa tei tupu e te mau taata tei ora mau. (A taio i te Luka 1:3; 3:1, 2.) Ua haapapu e rave rahi feia tuatapapa e ihipǎpǎ i ta te Bibilia e parau ra no nia anei i te taio mahana, te taata, te vahi e te mau tupuraa.
2. No te aha e nehenehe e tiaturi i te Bibilia noa ˈtu e buka tahito?
Ua faahiti te Bibilia i te mau parau i te pae o te ihi, aita râ te taata i tiaturi i tera mau parau a papaihia ˈi te Bibilia. Ua haapapu ra te mau aivanaa o teie mahana e e parau mau te Bibilia. “E nehenehe iho â e tiaturihia, i teie nei e a muri noa ˈtu.”—Salamo 111:8.
3. No te aha e tiaturi i ta te Bibilia e parau ra no a muri aˈe?
Te faaite atea ra te Bibilia i te mau parau tohu a “aita â i ravehia ˈtura.” (Isaia 46:10) Ua tohu te Bibilia i te mau tupuraa hou a tupu ai te reira. Ua faataa maitai atoa te Bibilia i te mau mea e tupu ra na te ao nei. A hiˈopoa ˈi oe i roto i teie haapiiraa i te tahi o teie mau parau tohu Bibilia, e maere paha oe!
A FAAHOHONU ATU Â
A hiˈo e nafea ta te mau aivanaa e parau ra e tuea ˈi i ta te Bibilia e a hiˈopoa i te tahi o te mau parau tohu.
4. Te tano ra ta te Bibilia e parau ra i ta te mau aivanaa
I tahito ra, ua tiaturi te taata e ua tuuhia te fenua i nia i te tahi mea. A pata i te VIDEO.
A tapao na i tei faahitihia i roto i te buka a Ioba a 3 500 matahiti i teie nei. A taio i te Ioba 26:7, e a aparau i teie uiraa:
-
No te aha mea maere ai te parau e ua tuuhia te fenua “i roto i te aore”?
I te matahiti 1 800, i taa ˈi i te taata te parau o te faaohuraa pape o te fenua. Tera râ, a hiˈo na i ta te Bibilia e parau ra mea maoro i teie nei. A taio i te Ioba 36:27, 28, e a aparau i teie mau uiraa:
-
Eaha ta oe i faahiahia no nia i te faaohuraa o te pape?
-
Ua haapuai anei te mau irava ta oe i taio mai nei i to oe tiaturiraa i te Bibilia?
5. Ua tohu te Bibilia i te mau tupuraa faufaa
A taio i te Isaia 44:27–45:2, e a aparau i teie uiraa:
-
Mea nafea te Bibilia i te faataaraa i te toparaa o Babulonia e 200 matahiti na mua ˈtu?
Ua haapapu te feia tuatapapa e ua haru te arii Kuro no Peresia e ta ˈna nuu i te oire o Babulonia i 539 hou te tau o Iesu. Ua tomo ratou i roto i te oire i muri aˈe i to ratou faatioiraa i te anavai e ua haru ratou i te oire ma te ore e aro atu. I teie mahana, 2 500 matahiti i muri aˈe, te vai ano noa ra Babulonia. O ta te Bibilia ïa i tohu.
A taio i te Isaia 13:19, 20, e a aparau i teie uiraa:
-
Mea nafea teie parau tohu i te tupuraa?
Babulonia e vai ano ra i teie mahana i Irakia
6. Ua tohu te Bibilia i te mau mea tei itehia i teie mahana
Ua pii te Bibilia i to tatou tau, “te mau mahana hopea.” (Timoteo 2, 3:1) A tapao na i ta te Bibilia e parau ra no nia i te reira:
A taio i te Mataio 24:6, 7, e a aparau i teie uiraa:
-
Eaha ta te Bibilia e faataa ra no nia i te mau mahana hopea?
A taio i te Timoteo 2, 3:1-5, e a aparau i teie mau uiraa:
-
E nafea te Bibilia e faataa ˈi i te haerea o te mau taata i teie mau mahana hopea?
-
Eaha te tahi o te mau huru ta oe i ite?
TE MANAˈO O VETAHI: “E aai noa te Bibilia.”
-
No oe, eaha te haapapuraa e nehenehe te Bibilia e tiaturihia?
HAAPOTORAA
Te faaite ra te feia tuatapapa, te aivanaa e te mau parau tohu e e nehenehe oe e tiaturi i te Bibilia.
Haamanaˈoraa
-
E aai noa anei te Bibilia?
-
I roto i teihea tuhaa e tuati ai ta te mau aivanaa e parau ra e ta te Bibilia?
-
No oe, te fafau ra anei te Bibilia i te tupu a muri aˈe? No te aha oia, aore ra no te aha aita?
HIˈOPOA
Te vai ra anei te hape i roto i te Bibilia i te pae o te ihi?
“Te tuati ra anei te Bibilia e te ihi?” (Tumu parau natirara)
Eaha ta te Bibilia e parau ra no nia i te “mau mahana hopea?”
“6 parau tohu Bibilia ta oe e ite nei i te tupu” (Te Pare Tiairaa 1 no Tiunu 2011)
A haapii mea nafea te mau parau tohu Bibilia no nia i te mau hau Emepera Heleni i te tupuraa.
A hiˈo mea nafea te parau tohu Bibilia i te tauiraa i te manaˈo o te hoê taata no nia i te Bibilia.
a Te mau parau tohu, o te poroi ïa e faaite ai te Atua i tei tupu no a muri aˈe.
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
