E nehenehe anei te hoê taata e faaoti e ore e riro faahou ei Ite no Iehova?

FAAROO NA ROTO TE REO

E. E nehenehe te hoê taata e faaoti e faarue i ta matou faanahonahoraa na roto e piti ravea:

Ma te faaara ˈtu. Ia ore te hoê taata e hinaaro faahou e riro ei Ite no Iehova, e faaite aore ra e papai oia i ta ˈna faaotiraa.
Ma te ohipa. Ua faaite ta ˈna mau ohipa e eita oia e hinaaro faahou e riro ei Ite no Iehova. (Petero 1, 5:9) Ei hiˈoraa, ua apiti oia i te tahi atu haapaoraa e ua faaite roa oia i to ˈna hinaaro ia vai i roto i tera haapaoraa.—Ioane 1, 2:19.

E ia ore te hoê taata e poro aore ra e haere faahou i ta outou mau putuputuraa? E hiˈo anei outou ia ˈna mai te hoê taata tei faaoti e ore e riro faahou ei Ite no Iehova?

Eita roa ˈtu. Mea taa ê ia ore e riro faahou ei Ite no Iehova e ia paruparu te faaroo. Pinepine ua faaiti aore ra ua faaea vetahi i ta ratou haamoriraa maa taime no te mea ua paruparu, aita râ ratou i faarue i to ratou tiaturiraa. Eita matou e ape ia ratou. E tutava râ i te tamǎrû e i te tauturu atu. (Tesalonia 1, 5:14; Iuda 22) Ia hinaaro tera taata i te tauturu, e faaitoito te mau matahiapo o te amuiraa ia ˈna i te pae varua.—Galatia 6:1; Petero 1, 5:1-3.

Aita râ te mau matahiapo e faahepo ia ˈna ia riro noa ei Ite no Iehova. Na te taata taitahi e maiti. (Iosua 24:15) Te tiaturi nei matou e e mea tia ia haamori i te Atua ma te aau tae.—Salamo 110:3; Mataio 22:37.