Beretane: Haaputuraa hohoˈa 9 (Mai Tetepa 2019 tae atu Fepuare 2020)
Na roto i teie mau hohoˈa, e ite mai outou i te hoperaa o te paturaa o te Betela apî a te mau Ite no Iehova i Beretane e eaha tei ravehia i reira mai Tetepa 2019 tae atu Fepuare 2020.
Vahi haruharuraa video
Vahi tataîraa
Piha ohipa
Vahi nohoraa A
Vahi nohoraa B
Vahi nohoraa C
Vahi nohoraa D
Vahi nohoraa E
Vahi nohoraa F
10 no Tetepa 2019: Piha ohipa
Te faaineinehia ra te repo no te tanuraa o te matie. I muri, te itehia ra te vahi nohoraa A e B.
19 no Tetepa 2019: Piha ohipa
E pu pape to muri mai i te mau piha ohipa. Mea au te reira no te titiaraa o te pape i roto i te repo. E haamaitai atoa te reira i te pape, eita te pape e hopuna ati aˈe i te Betela e mea maitai atoa no te taata e te animara.
19 no Tetepa 2019: Piha ohipa
Te tamaumau ra na hoa faaipoipo i te mau pǎpai o te mau piha ohipa apî.
14 no Atopa 2019: Vahi nohoraa A
Te faito ra te tuahine ihea o ˈna e tamau ai i te hohoˈa faaiteraa i te piha tâpûraa rouru.
28 no Atopa 2019: Vahi paturaa o te Betela
Te tamau ra te hoê taeae i te tahi mau tapao no te aratai i te taata.
4 no Novema 2019: Vahi haruharuraa video
Te tamata ra te hoê taata tupohe auahi i te tuio pape tupohe auahi.
14 no Novema 2019: Piha ohipa
Te hoê mero o te Tomite no te paturaa e faatere ra i te haamoriraa poipoi i te amaa apî. Ua haapurorohia teie porotarama i te utuafare o te Betela no Lonedona.
19 no Novema 2019: Vahi haruharuraa video
Te tamaumau ra te hoê taeae tamau uira i te mau mori faaararaa.
19 no Novema 2019: Pu o te feia rave ohipa
Te tâpûpû ra te mau tuahine i te mau niuniu uira no te iriti mai i te veo.
25 no Novema 2019: Pu o te feia rave ohipa
Te faaite ra te taeae eaha tera e tera paturaa i te feia i haere mai e mataitai haere i te Betela. Hau atu i te 95 000 ratou tei haere mai i te roaraa o te paturaa o te Betela.
5 no Titema 2019: Piha ohipa
Te paraparau ra te hoê mero o te Tomite amaa i te mau rima tauturu i ta ratou putuputuraa hopea hou te mau mero o te Betela e avari ai i teie vahi. Hau atu i te 11 000 rima tauturu tei turu i teie paturaa.
10 no Titema 2019: Vahi haruharuraa video
Te haapiihia ra teie mau taeae e nafea ia faaohipa i te mau auri e tarere ra i nia, no te tamaumau i te mau mori e matini haruharuraa. Ua oomo ratou i te puohu urina na rapae i te tiaa ia ore te tahua ia hitore.
30 no Titema 2019: Piha ohipa
Te purumu ra te mau rima tauturu i te one i nia i te eˈa e aratai ra i te mau piha ohipa.
16 no Tenuare 2020: Vahi tataîraa
Te tataî ra te hoê taeae i te hoê pereoo. I teie nei, tei te hoê â vahi te mau piha ohipa e te mau nohoraa o te mau mero o te Betela, aita e faufaa faahou teie mau huru pereoo no te tere i te ohipa mai na mua aˈe. E hoohia ïa teie mau pereoo. Te pereoo i muri roa, no te mau rima tauturu ïa e atuatu ra i te aua o te Betela.
29 no Tenuare 2020: Vahi nohoraa D
Te afaihia mai ra te mau taihaa a te hoê mero o te Betela. E 27 rima tauturu tei tietie i te taihaa a te mau mero o te Betela mai Tenuare e tae atu Fepuare. I te avaˈe Mati, tei te amaa apî pauroa te utuafare o te Betela e ua haamata i te ohipa.
6 no Fepuare 2020: Piha ohipa
Te faaineine ra te mau tutu i te maa na te mau mero o te Betela.
7 no Fepuare 2020: Vahi na te feia rave ohipa
Ua hoohia teie fare nohoraa ta te amaa i faaohipa na ei faaearaa na te mau rima tauturu. Ma te faaohipa i teie mau huru nohoraa, aita to tatou mau taeae i tuino i te natura. Te itehia ra te mau nohoraa o te Betela i muri roa.
14 no Fepuare 2020: Piha ohipa
Te tamaumau ra te mau taeae o te tuhaa huriraa i te hoê piha haruharuraa. Na te mau pǔpǔ huriraa o te mau reo e paraparauhia ra i Beretane e faaohipa i teie piha.
24 no Fepuare 2020: Piha ohipa
Te paraparau ra te hoê taeae no te Tuhaa haapao i te paturaa i te tahi atu taeae i te pae apatoa hitia o te râ o Beretane. Mea pinepine tera mau taeae i te taniuniu mai i te amaa no te paturaa e te tataîraa o te mau Piha a te Basileia. I te tahi atu pae, te hiˈo ra na taeae i te mau ravea faahaereraa i te mataˈi no te mau Piha a te Basileia.
25 no Fepuare 2020: Piha ohipa
E rima tauturu apî teie e tiai ra i te hoê putuputuraa e ite ai ratou ihea ratou e ohipa ˈi. I te haamataraa te ohipa i te amaa o Beretane i Chelmsford, piri i te 500 rima tauturu tei haere mai e ohipa i te Betela. I muri, te tamatamata ra e piti taeae i te mau paruai no te feia e haere mai e mataitai i te Betela.
E au atoa outou . . .
OHIPA PATURAA
Beretane: Haaputuraa hohoˈa 8 (Mai Mati tae atu i Atete 2019)
Faaoti te feia rave ohipa te paturaa o te vahi nohoraa, ohipa e tataîraa. Faaineine ratou i te vahi paturaa taatoa ia oti te reira.
OHIPA PATURAA
Beretane: Haaputuraa hohoˈa 7 (Mai Tetepa 2018 tae atu Fepuare 2019)
A hiˈo na i te haereraa i mua o te paturaa o te Betela apî a te mau Ite no Iehova i Chelmsford, i Beretane.