Ua haapii Iesu e o te Faatereraa arii a te Atua anaˈe te nehenehe e faaore roa i te mau fifi atoa ta te huitaata e faaruru nei. (Mataio 6:10) I roto i te Mataio 13:44-46, ua faaohipa Iesu e piti faahohoˈaraa no te faaite i te faufaaraa o te parau mau no nia i te Faatereraa arii a te Atua:

•   Te hoê taata e ohipa ra i roto i te hoê tuhaa fenua e ua itehia mai ia ˈna te hoê taoˈa tei hunahia i reira.

•   Te hoê taata hoohoo ratere e imi ra i te poe nehenehe e ua itehia mai ia ˈna te hoê poe moni rahi.

 Ua hoo na piti taata pauroa i ta raua mau mea no te fanaˈo i te taoˈa ta raua i itehia mai. Te faahohoˈa ra na piti taata i te feia o te haafaufaa i te parau mau no nia i te Faatereraa arii a te Atua e o te ineine i te rave i te mau haapaeraa atoa no te fanaˈo i te mau haamaitairaa a muri aˈe. (Luka 18:29, 30) I roto i teie video, a faaroo maite i te aamu, inaha e au na taata e piti o te video i na taata faahitihia i roto i te faahohoˈaraa a Iesu.