E. Teie te tahi mau aˈoraa î i te paari niuhia i nia i te Bibilia tei tauturu e mirioni tane e vahine ia fanaˈo i te hoê utuafare oaoa:

1.   A haamana i to orua faaipoiporaa i mua i te ture. Te niu o te hoê utuafare oaoa, o te oraraa ïa ia au i ta orua i euhe i mua i te ture.—Mataio 19:4-6.

2.   A faaite i te here e te faatura. A here e a faatura i to oe hoa faaipoipo mai ta oe e hinaaro ia ravehia no oe.—Mataio 7:12; Ephesia 5:25, 33.

3.   Eiaha e faahiti i te mau parau o te haamauiui. A paraparau noa ma te mǎrû noa ˈtu e parau mai aore ra e rave to oe hoa faaipoipo i te tahi mea e mauiui ai oe. (Ephesia 4:31, 32) Te na ô ra te Maseli 15:1: “E faaore te pahonoraa mǎrû i te riri rahi, area te parau etaeta, e faatupu ïa i te riri.”

4.   A vai taiva ore te tahi i te tahi. A faaite i to oe here e to oe hinaaro pae tino i to oe noa hoa faaipoipo. (Mataio 5:28) Te na ô ra te Bibilia: “Ia tura te faaipoiporaa no te taata atoa, e ia vai viivii ore te roˈi o te feia faaipoipo.”—Hebera 13:4.

5.   A haapii i ta orua mau tamarii ma te here. Eiaha e faatiatia noa, eiaha atoa e aˈo ma te etaeta.—Maseli 29:15; Kolosa 3:21.