E rave, e haaputu e e faaohipa matou i ta oe mau haamaramaramaraa no te mau aniraa noa ta oe i horoa mai e i te maororaa titauhia no te pahono i ta oe aniraa. I roto i tera mau tupuraa, mai te peu e faaoti oe e ore e horoa i te mau haamaramaramaraa ta matou e ani mai, peneiaˈe aita oe e nehenehe e haere i nia i te tahi mau tuhaa o ta matou reni natirara aore ra te mau ravea roro uira atoa horoahia e te Watchtower Bible and Tract Society of New York, Inc. aore ra aita matou e nehenehe e pahono i ta oe aniraa.

E ite atoa te mau taiete e ohipa ra e o matou i te mau haamaramaramaraa ta oe e horoa a faaî ai i te tahi aniraa. Te mau taiete iho â râ o te ohipa ia au i ta oe i ani atu e/aore ra te mau taata o te tauturu mai ia tere maitai ta matou reni natirara. Aita matou e horoa i ta oe mau haamaramaramaraa i te tahi noa ˈˈe taata maori râ (1) e titauhia ia na reira no te pahono i ta oe aniraa e ua faaarahia oe, (2) e manaˈo matou e mea titauhia ia horoa i taua mau haamaramaramaraa ra no te pee i te hoê ture haamanahia, (3) e titauhia ia pee i te aniraa o te feia mana, aore ra (4) e titauhia ia na reira no te ite e no te faaore i te tahi noa ˈˈe ohipa tano ore i nia i te parururaa aore ra i te tahi mau fifi roro uira. A haere ai i nia i ta matou reni natirara, te farii nei oe ia horoahia ta oe mau haamaramaramaraa i te mau taiete ê, i roto noa i taua mau tupuraa ra. Aita roa ˈtu ta oe mau haamaramaramaraa e hoohia ˈtu, e horoahia ˈtu ia noaa mai te tahi atu haamaramaramaraa aore ra e tarahuhia.

E nehenehe oe e haere i nia i te rahiraa o te mau tuhaa o ta matou reni natirara ma te ore e horoa i ta oe mau haamaramaramaraa. Tera râ, te vai ra te tahi mau tuhaa no te feia noa tei maiti i te hoê iˈoa natiraa, te feia tei faaî i te hoê aniraa aore ra no te feia ua horoa te tahi amuiraa a te mau Ite no Iehova i ta ratou mau haamaramaramaraa maoti jw.org. E faaohipa matou i ta oe mau haamaramaramaraa mai te peu ua farii oe. Mai te peu aita oe e farii faahou i te reira, e niu papu ta matou no te tamau i te faaohipa i ta oe mau haamaramaramaraa ia titauhia, a haapao maitai ai te tu ra anei te reira i te ture a te fenua.

E faaohipa matou i ta oe mau haamaramaramaraa horoahia i nia i ta matou reni natirara no te pahono noa i ta oe aniraa. Teie te tahi mau aniraa ta oe e nehenehe e rave:

Iˈoa natiraa. Ia hinaaro oe e nati i nia i ta matou reni natirara, e horoa oe i te hoê afata rata uira ta matou e faaohipa no te faatae atu i te mau poroi no nia i to oe iˈoa natiraa. Ei hiˈoraa, mai te peu ua moˈe ia oe to oe iˈoa natiraa aore ra tapao no te nati atu, e e papai mai oe no te ani i te tauturu, e pahonohia ma te faaohipa i te afata rata uira ta oe i horoa mai.

Taˈu api faataaraa. I muri aˈe i te hamaniraa i te iˈoa natiraa, e horoa te papai parau o ta oe amuiraa i te parau faatia no te haere i nia i Taˈu api faataaraa. Ia hinaaro oe e tuu i ta oe iho mau haamaramaramaraa hau i roto i Taˈu api faataaraa i nia ia hub.pr418.com, e anihia ia oe e farii anei oe ia faaohipahia tera mau haamaramaramaraa hau no te tahi anei taviniraa e no te farerei ia oe. Ia apiti oe i te hoê opuaraa e ia tuu oe i ta oe i ite i te rave i nia i Taˈu api faataaraa, e hiˈopoahia te reira no te tahi mau opuaraa. Ia nehenehe te reira e ravehia, e nehenehe ta oe mau haamaramaramaraa e operehia, mai te peu e titauhia, i te amaa a te mau Ite no Iehova, te pu rahi a te mau Ite no Iehova aore ra i te tahi mau faanahonahoraa ta te mau Ite no Iehova e faaohipa ra i roto e rave rau fenua.

Faaî i te hoê aniraa. Mai te peu e Ite no Iehova oe, e nehenehe oe e faaohipa i ta matou reni natirara no te nati atu aore ra no te faaî i te tahi aniraa. E nehenehe atoa ta oe amuiraa e faaohipa i taua reni natirara ra no te faaî no oe i te tahi aniraa. E itehia te fa o te mau aniraa tataitahi na roto i to ˈna faaohiparaa, no te hoê taviniraa taa maitai aore ra te hoê aniraa aore ra te mau vahi faaearaa no te mau tairururaa aore ra te tahi atu mau tupuraa. E faaîhia tera aniraa ma te faaohipa i ta oe mau haamaramaramaraa ta oe i horoa ˈtu, ta te mau matahiapo o ta oe amuiraa aore ra te tiaau haaati i faaî no oe. E faaohipahia taua mau haamaramaramaraa no te ohipa ia au i ta oe aniraa, mai te haamauraa i te hoê iˈoa natiraa. Ia titauhia, e nehenehe ta oe mau haamaramaramaraa e horoahia i te tahi atu mau amaa, i te pu rahi a te mau Ite no Iehova aore ra i te tahi atu taatiraa ta te mau Ite no Iehova e faaohipa nei i e rave rau fenua. E hiˈopoa-maitai-hia te mau aniraa tataitahi e aita roa ˈtu te faaotiraa e rave-hanoa-hia.

Tairururaa taa ê e nunaa rau. Mai te peu ua fariihia oe no te apiti i te tairururaa taa ê e nunaa rau (“Tairururaa”), e nehenehe oe e faaohipa i te reni natirara o te faaî i ta oe aniraa. A hiˈo i te mau haamaramaramaraa hau no nia i te mau aniraa i raro aˈe “Faaî i te hoê aniraa.”

Taeae e tuahine fariihia no te tairururaa. I roto i te mau haamaramaramaraa ta oe i horoa no te tairururaa, te vai ra ta oe numera niuniu, te mahana fanauraa, te mau haamaramaramaraa o te pǔpǔ, te vahi nohoraa e faaea ˈi oe, te mahana e tapae ai e e reva ˈi oe, e te tahi atu mau haamaramaramaraa titauhia no te tairururaa ta oe i horoa. Mai te peu ua fariihia oe no te apiti i te hoê tairururaa, e horoahia ta oe mau haamaramaramaraa e e faaohipahia e te amaa a te mau Ite no Iehova i te vahi e tupu ai te tairururaa, oia atoa i te mau taata o te ohipa ra e te tomite o te tairururaa e te vahi fariiraa. E faaohipa ratou i ta oe mau haamaramaramaraa no te faanaho i te tairururaa, e haapao i to oe revaraa e te mau mea hinaarohia i te roaraa o to oe tere e no te faanaho i te mau ohipa atoa tei tuatihia e te tairururaa. E horoa-atoa-hia ta oe mau haamaramaramaraa i te mau hotera tei maitihia e te mau taiete e turu i roto i te faanahoraa o te tairururaa, no te haapao i te vahi ta oe i tarahu e te tahi atu mau tuhaa hinaarohia i te roaraa o te mahana i te hotera. E horoa-atoa-hia ta oe mau haamaramaramaraa i te mau taiete o te haapao i te mau faanahoraa i taaihia i te mau ohipa ta oe i ani. Ia maiti oe eiaha e horoa i ta oe mau haamaramaramaraa aore ra ia ani ia tumâhia ta oe mau haamaramaramaraa, eita oe e farii-faahou-hia ei taata ratere no te tairururaa. E tumâ matou i ta oe mau haamaramaramaraa i te taime aita matou e hinaaro faahou i te reira.

Pororaa taa ê. Mai te peu ua faaî oe i te hoê aniraa no te apiti i te Pororaa taa ê, e nehenehe oe e faaî i te reira i nia i te natirara. A hiˈo i te mau haamaramaramaraa hau no nia i te mau aniraa i raro aˈe “Faaî i te hoê aniraa.” Ia maitihia oe no te apiti i te pororaa taa ê, e horoa e e faaohipahia ta oe mau haamaramaramaraa na te amaa a te mau Ite no Iehova i te vahi e tupu ai teie pororaa. I roto i te reira, te vai ra ta oe mau haamaramaramaraa, te pǔpǔ, te vahi nohoraa, te taime a tae mai e a reva ˈtu ai oe, te mau reo ta oe e paraparau e te tahi atu mau haamaramaramaraa titauhia no te pororaa taa ê. E faaohipa te Tomite o te pororaa taa ê i ta oe mau haamaramaramaraa no te faanaho i te pororaa taa ê, no te tono ia oe i te hoê tuhaa fenua e no te vahi nohoraa. E faaohipa te mau matahiapo o tera vahi i ta oe mau haamaramaramaraa no te faanaho i te pororaa taa ê i reira. Mai te peu eita oe e horoa i ta oe mau haamaramaramaraa aore ra e ani oe ia tumâhia ta oe mau haamaramaramaraa, eita paha oe e nehenehe e apiti no te pororaa taa ê.

Faaineineraa. Mai te peu ua fariihia oe no te apiti i te mau opuaraa, oia atoa i roto i te mau paturaa, e titau te hoê taata faaineine ia oe ia apiti i te hoê faaineineraa. E nehenehe oe e farii aore ra aita te titauraa aore ra e faaore i ta oe titauraa hou a haamata ˈi te faaineineraa. Ia farii oe i te titauraa, e tapaopao te taata faaineine i te taime a apiti ai oe, e hiˈo i te fa ta oe i naea i tera faaineineraa e a tuu atu ai i to ratou mau manaˈo. E nehenehe atoa te feia faanaho e te feia faaineine e hiˈopoa i ta oe i ite i te rave i roto i Taˈu api faataaraa i nia ia hub.pr418.com. Ia nehenehe te reira e ravehia, e nehenehe ta oe mau haamaramaramaraa e operehia, mai te peu e titauhia, i te amaa a te mau Ite no Iehova, te pu rahi a te mau Ite no Iehova aore ra i te tahi mau faanahonahoraa ta te mau Ite no Iehova e faaohipa ra i roto e rave rau fenua.

Ô. Mai te peu e faaohipa oe i ta matou reni natirara no te horoa i te hoê ô, e horoa oe i to oe iˈoa e te tahi atu mau haamaramaramaraa. No te mau ô maoti te mau tareta moni, e faaohipa matou i te mau faanahonahoraa aufauraa natirara haamanahia o te paruru maitai mai i ta oe mau haamaramaramaraa. Ia horoahia mai i ta oe mau haamaramaramaraa no nia i ta oe tareta moni anei aore ra afata moni, e faatae atu matou i te reira i tera mau faanahonahoraa no te pahono i ta oe aniraa. E haapao maitai matou i ta oe mau haamaramaramaraa a pee ai i te ture parururaa i te faaohiparaa o te mau tareta moni parauhia PCI DSS (Payment Card Industry Data Security Standard). E haaputu maoro te taata tei fanaˈo i te hoê ô i te mau haamaramaramaraa no nia i tera ô ia au i te apî ta te taata e fanaˈo ra i tera ô e ia au i te ture. E haaputu o ˈna i te taio mahana i horoahia ˈi te ô, te tino moni e te ravea faaohipahia no te horoa i te ô. E nehenehe ïa matou e auraro i te ture no nia i te faaohiparaa i te moni e e pahono i te mau uiraa ta oe e nehenehe paha e ui mai i te roaraa o tera taime. Eita matou e papai aore ra taniuniu ia oe no te ani hau atu â ô.

Aniraa i te hoê farereiraa. E nehenehe atoa oe e ani i te hoê Ite no Iehova no te haapii hau atu â no nia i te Bibilia aore ra no nia i te mau Ite no Iehova. E faaohipa matou i ta oe mau haamaramaramaraa horoahia no te pahono noa i ta oe aniraa. I te taime a farii ai oe, e haponohia ˈtu ta oe mau haamaramaramaraa i te tahi atu mau amaa aore ra taatiraa ta te mau Ite no Iehova e faaohipa nei.

Te tahi atu mau aniraa. E horoa paha oe i ta oe mau haamaramaramaraa (iˈoa, afata rata, numera niuniu e te vai atu â) no te tahi atu tumu. Mea taa maitai te aniraa tataitahi ta oe e faaî. Eita matou e faaohipa i ta oe mau haamaramaramaraa mai te peu eita matou e ite papu i te tumu o ta oe aniraa.

E itehia ta oe mau haamaramaramaraa i nia i te JW Library i te api Comment JW Library utilise vos données personnelles (Nafea te JW Library e faaohipa ˈi i ta oe mau haamaramaramaraa?).

Mai tei faataahia i nia i tera api, e rave mai te ravea roro uira i te mau haamaramaramaraa i nia i te reni natirara jw.org. Ua ite te reni natirara jw.org i te adresse IP a te hoê taata o tei nati ia rave mai o ˈna e te ravea roro uira i nia i te reni. Ua haaputuhia te mau haamaramaramaraa ta oe i horoa, no te tauturu, haamaitai e paruru i te reira. No te haapapu atu â, teie te mau faaohiparaa: Haere e faaohipa i teie ravea roro uira, faaohipa e haamaitai atu â i teie ravea roro uira, faaara e imi i te mau porotarama roro uira atâta e faaafaro i te fifi parururaa.

E rave rahi faanahonahoraa e tia ra no matou na te ao nei. E itehia vetahi o ta matou mau matini roro uira o te haaputu ra i ta matou reni natirara e te mau ravea roro uira i Marite. I te tahi taime, e titauhia ia hapono matou i ta oe mau haamaramaramaraa i te hoê fenua ê, oia atoa i te mau fenua e ere te ture i te pae o te parururaa i te mau haamaramaramaraa i te mea etaeta roa mai i to oe fenua. A hapono ai i ta oe mau haamaramaramaraa, e rave matou i te mau faanahoraa atoa no te paruru i te reira. Te tiaturi nei matou e te pee ra te mau taiete ê atoa ta matou e faaohipa nei e o te turu ra i te ohipa a te mau Ite no Iehova, i ta matou mau faaueraa i te pae o te parururaa i te mau haamaramaramaraa, oia atoa i te mau ture a te fenua no nia i te reira.

A haere ai i nia i teie reni natirara e a papai mai ai i te tahi poroi natirara, te farii nei oe ia haponohia ta oe mau haamaramaramaraa i te fenua ê. I roto e rave rahi tupuraa, e faaohipa matou i te mau faaotiraa i ravehia no teie haponoraa, mai te hoê parau faaau.

I te mau taime atoa e faaohipa ˈi matou i ta oe mau haamaramaramaraa, e haapao maite matou e mea papu anei te reira a nehenehe atu ai e pahono i ta oe i ani na. Ia au i te fenua e noho ra oe e te ture a tera fenua no nia i te parururaa i te haamaramaramaraa a te taata, teie to oe tiaraa no nia i te mau haamaramaramaraa ta oe e horoa mai:

• E tiaraa to oe no te ui mai no nia i te haaputuraa e te faaohiparaa i ta oe mau haamaramaramaraa ma te pee i te ture a te fenua.

• E tiaraa to oe no te fanaˈo, tapea aore ra faaore i ta oe mau haamaramaramaraa, aore ra no te faaafaro i te reira mai te peu ua hape aore ra ua erehia te tahi tuhaa.

• Mai te peu e tumu papu ta oe, e tiaraa to oe no te patoi i te faaohiparaa i ta oe mau haamaramaramaraa e no te ani ia ore matou e faaohipa faahou i te reira.

Mai te peu e ture no nia i te parururaa i te haamaramaramaraa a te taata i roto i to oe fenua e te hinaaro nei oe e hiˈo, faaafaro aore ra faaore i ta oe haamaramaramaraa, e nehenehe oe e papai mai ma te faaohipa i teie api Data Protection Contacts (Parururaa i te mau haamaramaramaraa: A papai mai).

E papai mai oe e e horoa oe i te mau haapapuraa no nia ia oe e te mau tuhaa hinaarohia no te ite eaha ta oe haamaramaramaraa. E nehenehe ïa te taata e haapao ra i taua tuhaa e hiˈopoa maite e nafea ia pahono i ta oe aniraa no te hiˈo, faaafaro aore ra faaore i ta oe haamaramaramaraa ma te pee i ta matou faatureraa. E hiˈopoa oia aita anei ta oe aniraa e haafifi i te tiaraa o ta matou faanahonahoraa no nia i te haamoriraa. E faaara atoa matou i te mau taiete ê ta matou e faaohipa nei eaha te mau tauiraa e titauhia ia rave.

A tapao na e aita ta oe mau haamaramaramaraa e faaorehia mai te peu te titau nei te ture ia tapea aore ra ia haaputu i te reira. Ei hiˈoraa, mea tano no ta matou faanahonahoraa ia haaputu tamau i te mau haamaramaramaraa no te haapapu e Ite no Iehova te tahi taata. Mai te peu e faaore matou i te reira, aita ïa matou e ohipa nei ia au i ta matou mau tiaturiraa e peu haamoriraa. No te faaore roa i te tahi mau haamaramaramaraa, e mea titauhia ia matou ia pee i te mau ture no nia i te faaohiparaa i te reira. E nehenehe atoa oe e papai i te feia mana no nia i te parururaa i te mau haamaramaramaraa a te taata o to oe fenua, no te faatae atu i te hoê aniraa no nia i te faaohiparaa i te mau haamaramaramaraa ta oe i horoa mai maoti ta matou reni natirara.