Mika 5:1-15
5 “Nei la, ko katikati ne koe a koe eiloa,E te tama fafine telā ko taua atu ki ei;A tatou ko nikoigina.+
E ‵kini ne latou a te kalafou o te famasino o Isalaelu ki se tokotoko.+
2 Kae ko koe, e Peteleema Efalata,+Ko te ‵toe tino foliki eiloa ke aofia i te fia afe* o Iuta,Ka vau mai i a koe se tino mō oku telā ka fai mo pule i Isalaelu,+Telā ne māfua mai i aso mua, mai i aso mua eiloa.
3 Tela la, ka tuku atu ne ia latou ki olotou filiKe oko ki te taimi ko fanau ei te fafine telā e ‵tau o fanau.
Kae ko te ‵toega o ana taina ka toe ‵foki ki tino o Isalaelu.
4 Ka tu aka a ia kae tausi te lafu i te malosi o Ieova,+I te maluga o te igoa o Ieova tena Atua.
Kae ka ‵nofo latou mo te tokagamalie,+Me nei la a tena sili ka oko atu ki koga katoa o te lalolagi.+
5 Kae ka aumai ne ia te filemu.+
Kafai e ulu mālō mai a tino Asulia ki loto i te ‵tou fenua kae lakalaka ki lalo ‵tou taoa ma‵losi,+Ka faka‵tu aka ne tatou e tokofitu tausi mamoe, ao, e tokovalu pelenise* mai i tino ke ‵teke atu eiloa ki a ia.
6 Ka tausi ne latou a te fenua o Asulia ki te pelu,+Mo te fenua o Nimalota+ i ana mataloa.
Kae ka faka‵sao ne ia tatou mai i tino Asulia,+Māfai ko ulu mālō mai a ia ki loto i te ‵tou fenua o lakalaka ki lalo ‵tou kogā fenua.
7 A tino o Iakopo kolā ne ‵toe ka ‵nofo i te va o tino e tokoukeE pelā mo te ‵sau mai i a Ieova,E pelā mo vaiua i luga i lakau kainaKolā e se fakamoe‵moe ki tāgataIo me faka‵tali ki tama a tāgata.
8 A tino o Iakopo kolā ne ‵toe mai ka ‵nofo tasi i atufenua,I te va o tino e tokouke,E pelā me se leona i va o manu fe‵kai o te vao,E pelā me se tamā leona i va o lafu mamoe,Kolā e olo atu i konā kae eva atu ki ei kae saesae likiliki ne ia;Kae e seai se tino ke faka‵sao latou.
9 A tou lima ka sisi aka mai luga o ou fili,Kae ko ou fili katoa ka fakaseai atu.”
10 “I te aso tenā,” ko te folafolaga a Ieova,“Ka ave kea‵tea ne au otou solofanua mai i a koutou kae fakamasei otou kaliota.
11 Ka fakamasei foki ne au a fakai o te otou fenuaKae ofa ki lalo otou koga katoa kolā ne puipui faka‵lei.
12 Ka fakagata ne au a faifaiga faivailakau e fai ne koutou,Kae ka seai se tino faivailakau e ‵toe mai i a koutou.+
13 Ka fakamasei ne au otou tupua faite mo otou pou mai i a koutou,Kae ko koutou ka se toe ifo eiloa ki galuega a otou lima.+
14 Ka unu kea‵tea ne au otou pou lakau tapu*+ mai i a koutouKae fakaseai atu otou fakai.
15 I te ita mo te kaitaua ka fakaoko atu ne au te taui ma suiKi atufenua kolā ne seki faka‵logo.”
