JW LIBRARY
‵Sala Atu i se Tusi Tapu io me se Tusi—Android
A te ‵sala atu ki se mea i te JW Library e mafai o maua ne koe se pati io me se fuaiupu i se Tusi Tapu io me se tusi.
Tautali ki fakatonuga konei:
‵Sala Atu i se Tusi Tapu
‵Sala Atu i se Tusi
‵Sala ki se Mataupu
‵Sala Atu i se Tusi Tapu
E mafai o ‵sala atu koe ki se pati io me se fuaiupu i te Tusi Tapu e faitau koe ki ei.
I te taimi e ‵tala ei se Tusi Tapu, ‵toko i te fakailoga pelā me se Kilo, kae taipa atu te pati e manako koe ki ei. I te taimi e taipa atu ei koe, ka ‵sae mai a manatu e uke. ‵Toko i se manatu e tasi, ko ‵toko atu te Enter i te kīpōti, ke lavea atu ei a ikuga.
A Top Verses e fakaasi mai i ei a toe fuaiupu kolā e fetaui ‵lei ki mea e ‵sala koe ki ei. E fakaasi i All Verses a tusi fai‵tau katoa kolā e ‵pau e ‵tusa mo te fakasologa o tusi i te Tusi Tapu. E fakaasi mai i Articles a mataupu tai ‵pau i te fakatomuaga mo mataupu fakaopoopo.
Kafai e taipa a pati, ke fakasao te pokisi ko te Match Exact Phrase ke fakaasi mai fua a mea kolā e ‵pau eiloa mo te mea ne taipa ne koe.
‵Sala Atu i se Tusi
E mafai ne koe o ‵sala se pati io me se fuaiupu i te tusi e faitau koe ki ei.
I te taimi e onoono ei koe ki se tusi, ‵toko te fakailoga pelā me se Kilo, ko kamata ei o taipa atu te pati e manako koe ki ei. I te taimi e taipa atu ei koe, ka lavea atu a manatu e uke. ‵Toko i se manatu, io me ‵toko te Enter i tau kīpōti, ke lavea a mea e maua mai i ei.
Kafai e taipa a pati tai uke, ke fakasao te pokisi ko te Match Exact Phrase ke maua eiloa a pati e manako koe ki ei.
‵Sala ki se Mataupu
Kafai ko oti ne ‵kopi mai te Insight on the Scriptures, e mafai o ‵sala atu koe ki se mataupu i te Insight. E mafai o fakaaoga te vaega tenei i te taimi e faitau ei koe ki so se Tusi Tapu io me se tusi i konei.
‵Toko i te fakailoga pelā me se Kilo, ko kamata ei o taipa te mataupu e manako koe ki ei. I te taimi e taipa ei koe, ka ‵sae a mataupu tai ‵pau i te fakasologa o manatu. ‵Toko te matua ke ‵tala aka ei te mataupu.
Ne avanoa mai a vaega konei i a Oketopa 2014 i te JW Library 1.3.4, telā e mafai o fakaaoga i te Android 2.3 io me se mea fou. Kafai e se lavea ne koe a mea konei, fakamolemole ke tautali atu ki fakatonuga i te mataupu ko te “Kamata o Fakaaoga a te JW Library—Android,” mai lalo i te Get the Latest Features.
