Ha Yini Timbhoni Ta Yehovha Ti Nga Xi Tirhisi Xihambano eVugandzerini?
Vanhu vo tala emisaveni hinkwayo va teka xihambano tanihi mfungho lowu yimelaka Vukreste. Hambileswi Timbhoni ta Yehovha ti nga Vakreste, a hi xi tirhisi xihambano evugandzerini bya hina. Ha yini?
Xivangelo xin’wana hileswaku Bibele yi vula leswaku Yesu a nga felanga exihambanweni kambe emhandzini. Ku engetela kwalaho, Bibele yi lemukisa Vakreste leswaku va ‘balekela ku gandzela swifaniso swa hava,’ leswi vulaka ku nga tirhisi xihambano evugandzerini.—1 Vakorinto 10:14; 1 Yohane 5:21.
Yesu u te: “Hinkwavo va ta tiva leswaku mi vadyondzisiwa va mina, loko mi rhandzana.” (Yohane 13:34, 35) Laha Yesu u vule leswaku rirhandzu ra xiviri i mfungho wa valandzeri va yena va ntiyiso—ku nga ri xihambano kumbe xifaniso xin’wana.
U Nga Ha Tsakela
SWIVUTISO LESWI HLAMURIWAKA HI BIBELE
Xana Yesu U Fele eXihambanweni?
Vanhu vo tala va teka xihambano tanihi mfungho wa Vukreste. Xana hi fanele hi xi tirhisa evugandzerini?
XALAMUKA!
Xana Bibele Ya Swi Pfumela Ku Tirhisa Xihambano?
Vanhu vo tala va teka xihambano tanihi mfungho wa Vakreste. Xana Yesu u fele exihambanweni? Xana vadyondzisiwa va Yesu a va tirhisa xihambano evugandzerini bya vona?
TIVHIDIYO TA TIDYONDZO TA NKOKA LETI HUMAKA EBIBELENI
Xana Xikwembu Xi Lava Hi Xi Gandzela Hi Ku Tirhisa Swifaniso?
Xana swi nga hi pfuna ku titwa hi ri ekusuhi ni Xikwembu lexi hi nga kotiki ku xi vona?
TIDYONDZO TA BIBELE
Ringeta Dyondzo Ya Hina Ya Bibele
Kuma dyondzo ya Bibele ya mahala leyi katsaka wena ni mudyondzisi wa wena.