DYONDZO 01
Yi Nga Ku Pfuna Njhani Bibele?
Vo tala va hina ha tivutisa hi vutomi, ku xaniseka, rifu ni vumundzuku. Hi tlhela hi vilela hi leswaku hi nga tihanyisa hi yini ni leswaku hi nga endla yini leswaku mindyangu ya hina yi tsaka. Vanhu vo tala va kume leswaku Bibele yi hlamula swivutiso leswi va karhataka yi tlhela yi va pfuna eka vutomi bya siku ni siku. U vona onge Bibele yi nga hi pfuna?
1. Hi swihi swivutiso swin’wana leswi Bibele yi swi hlamulaka?
Bibele yi hlamula swivutiso leswi swa nkoka: Vutomi byi sungule njhani? Hi hanyela yini? Hikwalaho ka yini vanhu va xaniseka va nga dyanga xa munhu? Ku endleka yini loko munhu a fa? Leswi vanhu va lavaka ku rhula, hikwalaho ka yini misava yi tele hi tinyimpi? Ku ta endlaka yini ku nga ri khale? Bibele yi hi khutaza leswaku hi lava tinhlamulo ta swivutiso leswi naswona vanhu va timiliyoni va kume leswaku ta twala tinhlamulo ta yona.
2. Bibele yi nga hi pfuna njhani leswaku hi tiphina hi vutomi?
Bibele yi hi nyika xitsundzuxo lexinene. Hi xikombiso, yi dyondzisa mindyangu leswaku yi nga wu kuma njhani ntsako. Yi hi byela leswi hi nga swi endlaka loko hi ri na xitirese ni ndlela yo tiphina hi ntirho wa hina. Loko u ri karhi u dyondza buku leyi, u ta dyondza swo tala leswi Bibele yi swi dyondzisaka hi swilo leswi ha ha ku bulaka ha swona ni swin’wana swo tala. U ta pfumela leswaku “Matsalwa hinkwawo . . . ma pfuna.”—2 Timotiya 3:16.
Buku leyi a yi sivi Bibele. Kambe yi ku pfuna leswaku u tikambisisela Bibele hi wexe. Hikwalaho, hi ku kombela leswaku u hlaya matsalwa lama kombisiweke eka buku leyi, u vona leswaku ma fambisana njhani ni leswi u swi dyondzaka.
ANAKANYISISA
Xiya ndlela leyi Bibele yi pfuneke van’wana ha yona, ndlela leyi u nga tiphinaka ha yona loko u ri karhi u yi hlaya ni ndlela leyi swi nga swa nkoka ha yona ku pfuniwa ku yi twisisa.
3. Bibele yi nga hi komba ndlela
Bibele yi fana ni thoci leri layithaka kahle. Bibele yi nga hi pfuna ku endla swiboho leswinene ni ku tiva leswi nga ta endleka enkarhini lowu taka.
Hlaya Pisalema 119:105, ivi mi bula hi swivutiso leswi:
-
Mutsari wa pisalema leyi a a yi teka njhani Bibele?
-
Wena u yi teka njhani Bibele?
4. Bibele yi nga hlamula swivutiso swa hina
Wansati un’wana u kume leswaku Bibele yi ni tinhlamulo ta swivutiso leswi n’wi karhateke malembe yo tala. Tlanga VHIDIYO, ivi mi bula hi swivutiso leswi landzelaka.
-
Eka vhidiyo leyi, hi swihi swivutiso leswi wansati loyi a a tivutisa swona?
-
Ku dyondza Bibele swi n’wi pfune njhani?
Bibele yi hi khutaza ku vutisa swivutiso. Hlaya Matewu 7:7, ivi mi bula hi xivutiso lexi landzelaka:
-
Hi swihi swivutiso leswi u nga na swona leswi u nga kumaka tinhlamulo ta swona eBibeleni?
5. U nga tiphina hi ku hlaya Bibele
Vanhu vo tala va tiphina hi ku hlaya Bibele naswona ya va pfuna. Tlanga VHIDlYO, ivi mi bula hi swivutiso leswi landzelaka.
-
Eka vhidiyo leyi, vantshwa lava va titwa njhani hi ku hlaya?
-
Hambileswi va nga swi rhandziki ku hlaya, hikwalaho ka yini va rhandza ku hlaya Bibele?
Bibele yi nga hi chavelela ni ku tlhela yi hi nyika ntshembo. Hlaya Varhoma 15:4, ivi mi bula hi xivutiso lexi:
-
Xana wa tsaka u tlhela u chaveleleka hi xitshembiso xa le Bibeleni?
6. Van’wana va nga hi pfuna hi twisisa Bibele
Van’wana va kume leswaku swa va pfuna ku vulavula ni van’wana hi Bibele ku ri na ku va va tihlayela yona va ri voxe. Hlaya Mitirho 8:26-31, ivi mi bula hi xivutiso lexi:
-
Hi nga yi twisisa njhani Bibele?—Vona ndzimana 30 na 31.
Muetiyopiya a a fanele a pfuniwa a twisisa Matsalwa. Vanhu vo tala namuntlha va vone swi pfuna ku bula hi Bibele ni van’wana
VAN’WANA VA RI: “Ku hlaya Bibele i ku tidyela nkarhi.”
-
Wena u ri yini? Hikwalaho ka yini u vula tano?
NKATSAKANYO
Bibele yi ni switsundzuxo leswi nga hi pfunaka eka vutomi bya siku ni siku, yi hlamula swivutiso swa nkoka naswona yi hi nyika ntshembo ni ku tlhela yi hi chavelela.
Mpfuxeto
-
Bibele yi nga hi pfuna njhani?
-
Hi swihi swivutiso swin’wana leswi Bibele yi swi hlamulaka?
-
U nga tsakela ku dyondza yini eBibeleni?
KUMA LESWI ENGETELEKEKE
Xiya ndlela leyi Bibele yi hi pfunaka ha yona namuntlha.
“Tidyondzo Ta Bibele A Ti Hundzeriwi Hi Nkarhi” (Xihondzo xo Rindza No. 1 2018)
Vona ndlela leyi Bibele yi n’wi pfuneke ha yona wanuna loyi a a titeka a nga pfuni nchumu ku sukela loko a ha ri ntsongo.
Xiya switsundzuxo swa le Bibeleni leswi pfunaka mindyangu.
“Swilo Swa 12 Leswi Nga Endlaka Leswaku Mindyangu Yi Tsaka” (Xalamuka! No. 2 2018)
Vona nhlamulo ya le Bibeleni leyi hambaneke ni leswi vanhu va swi vulaka hi leswaku i mani la fumaka misava.
Ha Yini U Fanele U Dyondza Bibele?—Vhidiyo Leyi Heleleke (3:14)
U Nga Ha Tsakela
SWIVUTISO LESWI TALAKA KU VUTISIWA
I Yini Dyondzo Ya Bibele Leyi Dyondzisiwaka Hi Timbhoni Ta Yehovha?
Eka dyondzo ya Bibele leyi dyondzisiwaka hi Timbhoni ta Yehovha, u nga tirhisa vuhundzuluxeri byin’wana ni byin’wana bya Bibele. Titwe u ntshunxekile ku rhamba ndyangu hinkwawo kumbe vanghana va wena leswaku mi ta dyondza swin’we.
