Buklet “See the Good Land” i stori gut long ol mep bilong Baibel na em inap helpim yu long kliagut moa long ol stori taim yu mekim pesenel Baibel stadi. Baibel i pulap tru long nem bilong ol ples, ol taun, na ol bikpela hap graun. Taim yu yusim ol mep bilong Baibel, dispela bai helpim yu long enjoim Baibel ritim na stadi bilong yu. Dispela buklet “See the Good Land” bai helpim yu long yusim imejinesen bilong yu long piksaim na lukim ol ples we ol stori bilong Baibel i bin kamap long en. Em bai helpim yu tu long kliagut long hau ol samting i stap long ol dispela ples, olsem ol maunten o wara samting, i afektim ol samting i bin kamap insait long ol stori bilong Baibel.

Buklet “See the Good Land” i pulap long ol mep na ol sat i gat kala we i soim kain kain ples em Baibel i stori long en. Na tu, ol mep bilong Baibel i gat ol daiagram, ol piksa we kompiuta i kamapim, na planti narapela samting we inap helpim yu long enjoim tru stadi bilong yu.

Ol mep bilong Baibel bai helpim yu long

• kliagut long raun bilong Abraham, Aisak, na Jekop

• lukim raun bilong lain Israel taim ol i lusim Isip na i go long Graun Bilong Promis

• lukim ples em lain Israel i stap long en na luksave long wanem wanem hap ol birua bilong ol i stap long en

• lukim ol ples we Jisas i bin raun long en taim em i mekim wok autim tok

• kliagut long bikpela bilong ol teritori bilong ol gavman long taim bilong Baibel, dispela i makim tu Babilon, Grik, na Rom

Yu ken lukim fri ol mep bilong Baibel long Intenet long Watchtower ONLINE LIBRARY.