JW LIBRARY
Amukkope ma Bbaibbele mu Android
Kubala akwiiya Bbaibbele ncibeela ciyandika kapati mu JW Library.
Amwaatobele malailile aaya kutegwa mukkopa ma Bbaibbele:
Amukkope Bbaibbele
Mulakonzya kukkopa ma Bbaibbele kutegwa kamubala akwiiya nomutali a Intaneti.
Amujalule navigation drawer, akutyanka acibeela cakuti Bbaibbele kutegwa mubone mulongo wamabbuku aamu Bbaibbele.
Amutyanke acibeela cakuti Myaambo kutegwa mubone mulongo wama Bbaibbele oonse aaliko. Ma Bbaibbele aali mumyaambo njomuvwula kubelesya kanji-kanji ajanika atala mumulongo. Alimwi mulakonzya kuyandaula kwiinda mukulemba zina lyamwaambo naa Bbaibbele. Mucikozyanyo, amulembe “int” kutegwa mujane Kingdom Interlinear mu Chingisi naa “port” kutegwa mujane ma Bbaibbele aamuci Portuguese.
Ma Bbaibbele ngomutanakkopa ajisi kakumbi. Amutyanke a Bbaibbele kutegwa mukkope. Mbomwamanina buyo kulikkopa Bbaibbele, kakumbi kalaleka kulibonya. Amutyanke a Bbaibbele alimwi kutegwa mubale.
Ikuti tiimwalijana Bbaibbele ndyomuyanda, amusole kulanga alimwi. Ma Bbaibbele aambi ayoobikkwa aakale.
Amumwaye Bbaibbele
Mulakonzya kulimwaya Bbaibbele ikuti kamutaciliyandi naa kamuyanda kuba abusena bunji.
Amujalule navigation drawer, akutyanka acibeela cakuti Bbaibbele kutegwa mubone mulongo wamabbuku aamu Bbaibbele. Amutyanke acibeela cakuti Azimwi icili munsi a Bbaibbele ndyomuyanda kumwaya; mpoonya amutyanke acibeela cakuti Amumwaye.
Amulicite apudeeti Bbaibbele ndyomwakakkopa
Ciindi aciindi, kunooboola maapudeeti ku Bbaibbele ndyomwakakkopa.
Bbaibbele lyacitwa apudeeti lilaba acitondezyo. Mwatyanka a Bbaibbele, kuboola mulumbe wakuti kuli maapudeeti. Amutyanke acibeela cakuti Amukkope kutegwa mucite apudeeti, naa acibeela cakuti Aakale kutegwa muzumanane kubala leelyo ndyomujisi kale.
Zibeela eezyi zyakamwaigwa mu February 2015 a JW Library 1.4, alimwi zilakonzya kubeleka mu Android 2.3 naa iinda aawo. Ikuti naa taziko zibeela eezyi, amutobele malailile aaya aali mucibeela ca “Mbomukonzya Kubelesya JW Library—mu Android,” mucibeela cakuti JW Library App mpya.
