Ino Mbaani Bacita Kuyanda Kwa Jehova Mazuba Aano?
Ncinzi Leza Ncayanda?
Leza uyanda kuti kuyanda kwakwe kuzyibwe nyika yoonse. Ino kuyanda kwakwe ninzi, alimwi ino mbaani mazuba aano bayiisya bantu kujatikizya kuyanda kwa Leza?
CIIYO 1
Ino Bakamboni ba Jehova Mbantu Bali Buti?
Ino bali bongaye Bakamboni ba Jehova mbomuzyi? Ino ncinzi cini ncomuzyi kujatikizya ndiswe?
CIIYO 2
Nkaambo Nzi Ncotwiitwa Kuti Bakamboni ba Jehova?
Amulange-lange twaambo totatwe ncotwakatalikila kubelesya zina eeli.
CIIYO 3
Ino Kasimpe Kamu Bbaibbele Kakajanika Buti Alimwi?
Ino inga twasyoma buti kuti mazuba aano tulacimvwisya cini Bbaibbele ncoliyiisya?
CIIYO 4
Nkaambo Nzi Ncotwakamwaila Bbaibbele lya Busanduluzi Bwanyika Mpya?
Ncinzi cipa kuti busanduluzi oobu bwa Jwi lya Leza kabulibedelede?
CIIYO 5
Ncinzi Ncomuyoojana Kumiswaangano Yesu ya Bunakristo?
Tulaswaangana antoomwe kutegwa twiiye Magwalo alimwi akukulwaizyanya. Muyootambulwa amaanza obilo!
CIIYO 6
Ino Kuyanzana Abanakristoma Kutugwasya Buti?
Jwi lya Leza likulwaizya Banakristo kuti kabayanzana. Amwiiye mbomukonzya kugwasyigwa mukuyanzana kuli boobu.
CIIYO 7
Ino Miswaangano Yesu Icitwa Buti?
Sena kuli nomwakalibuzyide kale kuti ncinzi cicitika kumiswaangano yesu? Muyookkomana kutambula lwiiyo lwamu Bbaibbele okuya.
CIIYO 8
Nkaambo Nzi Ncotusamina Kabotu Kumiswaangano Yesu?
Sena zintu nzyotusama zilamujatikizya Leza? Amwiiye njiisyo zyamu Bbaibbele mbozitugwasya kusala nzyotweelede kusama alimwi akulibamba.
CIIYO 9
Ino Ninzila Nzi Mbotu Yakulibambila Miswaangano?
Kulibambilila limwi miswaangano kuyoomugwasya kujana mpindu kumiswaangano.
CIIYO 10
Ino Kukomba Mumukwasyi Caamba Nzi?
Amubuzyibe bubambe oobu mbobukonzya kumugwasya kuswena kuli Leza alimwi akuyumya cilongwe mumukwasyi.
CIIYO 11
Nkaambo Nzi Ncotuunkila Kumiswaangano Mipati?
Mwaka amwaka tulaswaangana kumiswaangano yotatwe iiyandika. Ino inga mwagwasyigwa buti kumiswaangano eeyi?
CIIYO 12
Ino Mulimo Wesu Wakukambauka Bwami Weendelezyegwa Buti?
Tutobela cikozyano ncaakasiya Jesu naakali anyika. Ino ninzila nzi zimwi nzyotubelesya mukukambauka?
CIIYO 13
Ino Mupainiya Muntu Uuli Buti?
Bakamboni bamwi balalyaaba kubeleka mawoola aali 30, 50, naa kwiinda aawo amwezi mumulimo wakukambauka. Ncinzi cibakulwaizya?
CIIYO 14
Ino Ncikolo Nzi Ncobanjila Bapainiya?
Ino ncikolo nzi caalubazu ncobanjila bapainiya aabo baaba ciindi cabo cinji kumulimo wakukambauka Bwami?
CIIYO 15
Ino Baalu Baigwasya Buti Mbungano?
Baalu mbaalumi basimide kumuuya ibasololela mumbungano. Ino ndugwasyo nzi ndobapa?
CIIYO 16
Ino Bakutausi Bajisi Mukuli Nzi?
Bakutausi balagwasyilizya kutegwa zintu kazyeenda kabotu mumbungano? Amuzyibe mulimo wabo mboubagwasya boonse ibajanika.
CIIYO 17
Ino Balangizi Bamabazu Batugwasya Buti?
Nkaambo nzi balangizi bamabazu ncobaswaila mbungano? Mbuti mbomukonzya kugwasyigwa akuswaya kwabo?
CIIYO 18
Ino Tubagwasya Buti Bakwesu Bali Mumapenzi?
Ciindi nokwacitika ntenda, cakufwambaana tulapanga bubambe bwakugwasyilizya baabo bacitikilwa ntenda kumubili alimwi akumuuya. Munzila nzi?
CIIYO 19
Ino Nguni Muzike Uusyomeka Alimwi Uucenjede?
Jesu wakasyomezya kuti uyoosala muzike uunoopa cakulya cakumuuya aciindi ceelede. Ino eeci cicitwa buti?
CIIYO 20
Ino Kabunga Keendelezya Kabeleka Buti Mazuba Aano?
Mumwaanda wamyaka wakusaanguna, kabunga kasyoonto kabatumwa abaalu kakabeleka kakali kabunga keendelezya mumbungano ya Banakristo. Ino mbuti kujatikizya mazuba aano?
CIIYO 21
Ino Beteli Ninzi?
Beteli mbusena bulibedelede bujisi makanze aayandika kapati. Amwiiye zinji kujatikizya baabo babelekela nkuko.
CIIYO 22
Mulimo Nzi Uucitwa Kuofesi Yamutabi?
Basikuswaya balatambulwa akweenzyenzyegwa kuti babone busena bwamaofesi eesu aamutabi. Twamutamba kuti mukacite oobo!
CIIYO 23
Ino Mabbuku Eesu Alembwa Buti Alimwi Asandululwa Buti?
Tulasimba mabbuku mumyaambo iinda ku 750. Nkaambo nzi ncotusolekesya kucita boobo?
CIIYO 24
Ino Mali Aabelesyegwa Kugwasyilizya Mulimo Wesu Wanyika Yoonse Azwa Kuli?
Caboola kumali, ncinzi cipa kuti mbunga yesu kayiindene azikombelo zimwi?
CIIYO 25
Nkaambo Nzi Ncotuyakila Maanda aa Bwami Alimwi Ayakwa Buti?
Nkaambo nzi masena eesu aakukombela ncaaitwa kuti Maanda aa Bwami? Amwiiye zinji kujatikizya mayake aaya aabulemu mbwaagwasya mbungano zyesu.
CIIYO 26
Mbuti Mbotukonzya Kugwasyilizya Kutegwa Ŋanda Yesu ya Bwami Kaiboneka Kabotu?
Ŋanda ya Bwami iisalala alimwi iibambwa kabotu ilamutembaula Leza. Mbubambe nzi bubikkidwe kutegwa Ŋanda ya Bwami kaisalala?
CIIYO 27
Mbuti Mbotukonzya Kugwasyigwa a Laibbulali Yamabbuku Eesu Iili ku Ŋanda ya Bwami?
Sena inga mwayanda kuvwuntauzya kutegwa muyungizye luzyibo lwanu lwamu Bbaibbele? Amwiibelesye laibbulali iili ku Ŋanda ya Bwami!
CIIYO 28
Ncinzi Cijanika a Webbusaiti Yesu?
Mulakonzya kwiiya zinji kujatikizya ndiswe alimwi anzyotusyoma kubikkilizya akujana bwiinguzi kumibuzyo yanu yamu Bbaibbele.
Sena Muyoocita Kuyanda kwa Jehova?
Jehova Leza ulamuyanda kapati. Mbuti mbomukonzya kutondezya kuti muyanda kumukkomanisya Leza muzintu nzyomucita buzuba abuzuba?
